ح[align=center]تى انا مو فاهمة بشكل دقيق [/align][align=center] بس اللي اعرفه حقوله من باب نشر العلم القطاع الحكومي في السعودية مسوي سلالم الخاص لا كل شركة لها سلم رواتبها نرجع للحكومي مسوين سلم عام/تعليمي/صحي/قضاة/اعضاء هيئة تدريس تقدري تشوفي كل السلالم في جوجل الصور وانتبهي لأن السلم هو الأحدث يعني حق عام 1432 كل سلم مقسم لمستويات المستوى تاخذيه حسب مؤهلك مثلا التعليمي اذا كنتي بكلوريوس تاخذي الرابعة بكلوريوس تربوي تاخذي الخامسة ماستر تاخذي السادسة المراتب مدري اش هيه يبدو انها هي نفسها لمن نقول مستوى في التعليمي يسمونها مستوى يبدو الباقي يسمونها مرتبة بعد ماتنحطي على مستوى ما تنحطي على اول درجة منه بحكم انك اول سنة عمل وكل سنة تنتقلي للدرجة التالية تلقائيا وطبعا تاخذي بالتالي الزيادة السنوية بشهر محرم من كل سنة لو توضفتي بالحج ودخل عليك محرم تاخذي الزيادة كأنك اتميتي عام كامل طيب مثلا انا بكلوريوس تربوي ومعلمة من 7سنوات معناته انا سلم تعليمي مستوى خامس درجة سابعة والسنة الجاية اسير درجة ثامنة طبعا لازم تعرفي ان كل راتب حكومي يتبعه بدل نقل و زيادة سنوية من مستوى لمستوى وهذا اللي يخلي الحكومي تاخذي العلاوة بمجر د دخول محرم في حين ان الخاص ترقياته حسب مجهودك وفيه شي اسمه مكافأة نهاية خدمة مبغى اصدمك لأنها قليلة في كل القطاعات مثلا التعليمي تبلغ 90 الف اقل من مجموع الرواتب السنوية لمعلم مبتدى اما العام اخ يعطونك 3 رواتب لو متي لو تقاعدتي لو الله خلصنا من الأمثلة يقال ان السلم الصحي افضل السلالم ويقال ان سلم التدريب المهني اعلى سلم في الدولة لكن فيه شي اسمه بدلات مثلا بدلات السلم العسكري جبارة في حين التعليمي ماعندهم الا سلمهم مافيه بدلات تذكر الا النائية اش علاقتنا بذلك احنا كنا مقدمين تعليمي بجدارة المفروض نترسم على السلم التعليمي جو قالوا طابقوا وبنحطكم اعضاء هيئة تدريس يعني المفروض نترسم على سلم هيئة التدريس اخر حاجة طلعنا اداري اذن نستحق السلم العام على فكرة العام بين هذي السلالم فيه فروق مالية بالدرجة الأولى واحنا لمن نتكلم عن سلالم يعني نتكلم فقط عن الجانب المادي لا فيه نقطة مانغفلها لو انتي عام في وزارة التعليم العالي مثلا تقدري تنقلي عام لوزارة الخارجية يعني ضمن نفس سلمك فيه امكانية حركة من وزارة لأخرى نرجع للمالي نقول ان اذا كانت الحسبة مادية بحتة ونشوف المستويات اللي نستحقها كماستر فيه محاضر في سلم هيئة التدريس او معلم على المستوى السادس في التعليمي او مستوى ثامن في السلم العام طيب فيه ملاحظة مهمة وهي ماراح نتعين على السادس تعليمي بل الخامس لأن السادس ترقية ماراح نتعين على اكثر من الثامن عام لأن مافوق الثامن ترقيات يعني حنقارن بين الخامس تعليمي الثامن عام محاضر نجي نشوف السلالم عشان نعمل مقارةن مالية عادلة طبعا زي ماحنا شايفين الخامس تعليمي 8060 الثامن عام 8010 محاضر 8765 لك ان تتخيلي قدر الفارق المخيب للأمل بعد 5 سنوات الخامس سار سادس 9620 الثامن سار تاسع 9275 المحاضر سار دكتور 12765 ههههههه فيه نقطة مهمة وهي تذمر موضفي السلم العام منه وهذي واحدة من شكواهم يعتزم موظفين في المملكة العربية السعودية ممن هم على السلم الوظيفي العام التجمع يوم الاربعاء القادم الموافق23/5/1432 هـ لمقابلة المسؤليين في وزارة الخدمه المدنيه لشرح معاناتهم مع السلم العام حيث أنهم يرون أن وضعهم الوظيفي هو الاسوأ من بين جميع موظفي المملكة العربية السعودية وقد حددوا مطالبهم في عدة نقاط أهمها :منح كل موظف المرتبة والدرجة المستحقة حسب مؤهلاته وخبراته بواقع كل ثلاث سنوات خدمة بمرتبة كما حصل في عملية ترسيم موظفي بند الأجور ؛ إحقاقاً للعدل والمساواة . كذلك تعديل السلم العام وجعله كادر جديد يضمن الترقية التلقائية كل أربع سنوات وليس كما حاصل الاَن من حيث التجميد لسنوات تصل الى عشر سنوات وأكثر والعديد من المطالب . لاحظي التاريخ يعني توهم قبل كم شهر يشتكون يالله ادعيلي لو ماني مذاكرة كويس صححولي نتسلى سوى [/align]