السلام عليكم حبيت انصح بعض الاخوان الي حماسهم زايد لان بعض الاخوان من كلامه للوظيفه الي مقدم عليه زي الحين المخدرات تحس انه مره مقبول ومتحمس للدوره وقاعد يفكر في حاجات بعد الدوره يسويها زي لمن يتعين بعيد عن اهله مثلا وش يسوي يتزوج ولا ينتظر الين ينقل عند اهله ووش نوع السياره الي يطلعها المهم وهو اصلا باقي في القبول المبدئي او باقي يمكن مانزل قبوله المبدئي
المهم حبيت اقلكم ان والله دايم ماورا الحماس هذا غير الوهم والوساوس وان ماراح يصير شي من الي في باله ويحس بفقدان الامل وعاد تكثر الوساوس انه ماراح يلاقي وظايف وان كل الوظايف واسطات وراح يكره نفسه


انا ماقلت الكلام هذا الا بعد موقف صاري ان كان فيه واحد من المتقديمن كان يجي قبل نزل الارقام المبدئيه للرقبه والعرفه كان يجي في الصباح عندنا الدوام هو من الرياض كان يسأل اسئله ويمشي ما يجلس اكثر من نص ساعه وكانت اسئلته وين التعينات وكم الرواتب ووش افضل ميداني ولا مكتبي وهو اصلا باقي مانزل قبوله لكن متحمس الرجال ما ينلام وانا كنت اقدر وضعه واجاوبه المهم جاه حوالي ثلاث ايام المهم بالصدفه اليوم شفته قلتله ياخي مشبه عليك وين شفتك المهم ذكري انه كان يجي قبل لا تنزل الارقام ويسألني المهم دخل على اللجنه انا كنت واقف في اللجنه المهم شافو شهاداته وكل شي تمام وراح الطول تمام المهم قاسو وزنو لان العقيد كان موجود وبلغ الي على المقاس الطول ان يقيس وزنو المهم طلع وزنو زايد 7 كيلو المهم استبعدو واقسم بالله اني اطالع في الرجال انه الدمعه في عيونه وان عارف انا انه يحس ان الدنيا تقفلت في وجهو المهم طلعو والله انا على طول طلعت وراه وهديته وقلتله انشاء الله ربك يعوضك خير

فيخوان انتبهو من الحماس الزايد خليها على ربك جات احمد ربك ما جات خيره والله ان مكتوب لك من قبل لا تولد وين رزقك بيكون ولارزاق على الله مو على العقيد ولا على وزارة الداخليه هذولا كلها اسباب فأنكان مكتوب لك رزق في المخدرات والله تاخذو ولو مهي مكتوبه عليك والله لو تجيب جميع انواع الواسطه ما تدخلها وبالتوفيق للجميع