اقتباس:
المشاركة الأصلية كتبت بواسطة التيق
لو سمحتم عندي بعض الاستفسارات
انا طموحي اكون ضابط وانا الحين ادرس هندسة وحبيت استفسر اي قسم هندسة يقبلونه بالكلية الامنية
وكم مدة الدراسة وبعد التخرج وين يكون اي قطاع وهل يكون عمله ميداني ولا مكتب
واخر سوال كم المكافاة علما بان الهندسة تخصص علمي
وهل تنصحوني اترك الشركات واكون ضابط
والله يوفقكم ويجزاكم خير
واسف على كثره الاسئلة
وسوال اخير معليش كيف اقدمية سنة يعني كل سنة برتبة
|
بجاوبك الي اقدر عليه انا بتخرج هالسنة وتخصصي هندسة وان شاء الله بقدم عالامنية هالسنة
تخصصي كهرباء ومن ناحية التخصص الهندسي فهم يقبلون اغلب التخصصات الهندسية او التخصصات الهندسية الرئيسة لكن من تخصص الى تخصص في الهندسة العدد يختلف ويختلف كمان كل سنة .
مدة الدراسة سنة او اقل ولو تبي حسابيا تقريبا تسع شهور ,
يمكن يحطونك بأي قطاع ويمكن يصير عملي ميداني او مكتبي على حساب القطاع وحتياجه لتخصص ويمكن تشتغل بغير مجالك وهذا كله يعتمد عالقطاع ومثل ما انت عارف القطاعات كثيرة
المكافاة الطلاب كلهم ياخذون نفس المكافئة 3400 تقريبا
اما من ناحية النصيحه بالنسبة للشركات او العسكرية فاعتقد هذي ترجعلك وتختلف من شخص لشخص وتحتكم على عدة امور الرغبة او الامور المادية او من الناحية العلمية الي تبي توصله تختلف .
لا الاقدمية مو معناتها كل سنة برتبه
يعني على سبيل المثال الانتقال من رتبة ملازم اول الا نقيب تاخذ اربع سنوات طبعا نتكلم نظاميا يعني يمكن تتاخر على حسب وجود الارقام الشاغرة او الوظائف ما ادري وش يسمونها بالظبط
لكن نظاميا من ملازم اول الى نقيب اربع سنوات ولو افترضنا انه طبيب تخرج من الامنية طبعا يكون رتبته ملازم اول باقدميه سنتين يعني يبيله سنتين فقط علشان يوصل لرتبة نقيب
وبعض التخصصات الي يتخرج برتبة ملازم باقدمية سنة يبيله بس سنة علشان يستحق ملازم اول
لان النظام يقولك من رتبة ملازم الى ملازم اول سنتين بس هو اقدمية سنه اذا يبقاله بس سنة .
واتمنى اني اكون افدتك واني لمسة الاجابة الصحيحة لاستفساراتك