السلام عليكم و رحمة الله و بركاته رجعت قبل نص ساعة من موعدي مع لقاءات .. العدد ماشاءلله كان كبيييير ...انا وصلت بالظبط الساعة 3 و خمس دقائق ...مع العلم طلعت من البيت الساعة 2 و ربع بس زحمة الدائري و ما ادراك ما زحمة الدائري اول ما دخلت عند الريسبشن نكتب اسمائنا و نسلمهم السيرة الذاتيه و يعطونا رقم و ندخل ..انا كان رقمي 167 ماشاءلله هذا و انا جاية الساعة 3 و في كثييييير وصلوا بعدي ... المهم دخلنا قاعة ثانية شكلها كانت كافتيريا ...و ننتظر في كراسي و ينادون بالارقام و اللي ينادونها تعطيهم بطاقة الاحوال و الرقم و الاسم و رقم الجوال ( طبعا بطاقة الاحوال بس يأخذون منها رقم السجل ) ...بعدين ندخل قاعة ثانية اللي هي يتم فيها الاختبار ... كان في وحدة تشرح طريقة تعبيئة الاوراق و الارواق عبارة عن 4 اوراق : الورقة الاولى لونها برتقالي و هي حقت الانجليش ITEP الورقة الثانية لونها ازرق و هذي حقت الجدارات الذهنية الورقة الثالثة لونها اخضر و هذي حقت السمات الشخصية الورقة الرابعة لونها زهري حقت الميول المهني بعد الشرح و تعبيئة البيانات الاساسية لكل ورقة بدأنا اول امتحان و كانت الساعة تقريبا 4 و شوية .. بالنسبة للغة الانجليزية ما كان صعب ولا كان سهل ( طبعا هذا تقييمي الشخصي ) ...بالنسبة للقواعد حلو مو صعب بس كنت متوترة بسبب الوقت يمكن لو ما كان في وقت كان الواحد صار ريلاكس ،، بالنسبة للاستماع كان حلوو ، بس اخر جزء في الاستماع كانت محاضرة عن المولود الاول او المولود الوحيد و تأثير ذلك على بناء شخصيته و العمل اللي يختاره ..بشكل عام فهمت عن ايش المحاضرة بس ضيعت شوي في تفاصيل الموضوع ،،، اخر جزء اللي هو القراءة قطعتين واحدة حبتها كثييير و على فكرة سبق و مرت علي لما كنت بستعد للموضوع و كانت عن العناكب و هذي موجود في نماذج الاختبار في الموقع حقهم هنا و القطعة الثانية حسيتها صعبة شوية بالنسبة للجدارات الذهنية طلعت اسهل مما كنت اتصور بس الوقت كان جدا جدا جدا قصيييير ...يعني قبل ما اوصل لنص الاجابات قالت باقي 5 دقائق وترتنيييييييي اخذنا بعدها بريك صلاة و رجعنا على طول نكمل اخر ورقتين ،، طبعا كانت عادية بس متعبة لانها طووووووووووووووويلة يعني وحدة كانت 155 سؤال و الثانية 160 سؤال خلاااااص حسيت انه جسمي نمل ... و بس خلصت و طلعت و ان شاءلله خير ايه فيه شغلة قالتها اللي تشرح الامتحان ...طبعا اول شئ فيه شركة اسمها اسواق هي اللي تقوم بالخطوة هذي يعني تحديد الميول و الاختبارات و كل التفاصيل هذي طبعا بالتعاون مع جهات مختلفة مثل وزارة العمل و صندوق التنمية ( هدف ) و شركتين ثانية ما اذكر اسمائهم ،، كل جهة مسؤولة عن شئ معين وهما ( يعني شركة اسواق ) تقوم بخطوة الاختبار و تحليل المهني و الامور هذي ..و قالت هم الان بيخلصون الرياض بعدين بينتقلون لباقي المناطق ...و قالت شغلة انه راح يتم التواصل معنا بعد 25 يناير ( تذكر ثورة مصر ) ...راح يكون فيه شئ مثل مقابلات يمكن او شئ ما ميزت صراحة قالت كلام كثييييير .