يالله حي كل نفر عاطل عن العمل .. يا اخوان انا مرت بي مشكله / وابيكم تساعدوني يا الوجيه الغانمه .. انا جايكم من طرف فلان <- برا مشكلتي اني متخرج من شهر 7 من جامعه الملك سعود تخصص حقوق المهم قدمت زي اي شاب سعودي حلمه يستلم الفين ريال اخر الشهر ويروح يدعم فيها الاقتصاد البحريني الي منهار من هالاحداث المهم شيكت موقع حافز وانصدمت بـ عباره [ انت ليما الحين تدرس بـ الجامعه ] والله من اللخمه رحت لـ التجوري اتاكد الشاهده الي معي بـ اسمي ولا بـ اسم احد ثاني وصارت بـ اسمي فلان بن فلان ال فلان " والنعم " المهم حبايبي وش الدبره الحين ؟ نبي نستحق مع العالم الي استحقو وناخذ الالفين وندعم اقتصاد اشقائنا البحرين وش الجهه الي نروح لها ؟ الاحوال المدنيه ؟ القبول والتسجيل - الجامعه ؟ التعليم العالي ؟ ولا نكبر الوساده لين يفرجها الله وشكرا لـ تعانونكم معنا ..