السلام عليكم ورحمة الله وبركاته
كيفكم يااحلى اعضاء بااحلى منتدى..؟؟
للأمانه منتدى حلول البطاله له السبب بعد الله في تفكيري بالتجاره والاستقلال الذاتي
..
ادخل بالموضوع ومااطول عليكم
انا بأذن الله باقي لي اقل من شهر واتخرج من الجامعه وحاب ادخل التجاره بمشروع افهم فيه واحبه اللي هو " مشروع اجهزة جوال وملحقاتها "
وقررت اقدم على [ رياده ] بما ان قروضهم حلوه توصل لـ300 الف وهذا اولا
وثانيا يدخلوني دوره ويدرسون لي مشروعي من كل النواحي ويتابعوني طول فترة مشروعي
ثالثا نسبه قليله جدا فشلت بالمشاريع اللي تشرف عليها رياده وغير كذا دعم مالي قدره 3000 شهريا لمدة 18 شهر أو (سنه ونص )
لــكــن
بعد ماعرضت الموضوع على الوالد قال لي وليش تورط نفسك بديون وانت ماتدري هل بتنجح او لا
وعرض علي انه يعطيني مبلغ وقدره 60 الف وابدا مشروعي !!
المشكله ايجار المحل لوحده 25-30 الف بالسنه
والديكورات+البضاعه+تخليص الاجراءات الحكوميه .. راح تكلف كثير
وبصراحه اكثر احس اني راح ارتاح اكثر وابدع بشغلي لو قدمت لرياده
اخواني اخواتي يعلم الله ماسالتكم الا لاني واثق فيكم وبآرائكم
انتظر ردودكم ..