شووووف ياحبيبي انا ماراح اجيب لك حلول مثل الاخوان او اقتراحات او رايي بالموضوع

انا الي بقوله لك انت انسان محظوظ
هذا ابتلاء كبير حاول تتجاوزه بالتوكل على الله وحسن الظن به والصبر الصبر وبعدها الفرج


ياعمي انت وش هامك وش بيصير يعني

فصل: مايهمك .. تدري ليه مايهمك لانك عندك مباديء ودين تمشي عليه وانت صادق مع نفسك قبل الاخرين عشان كذا بتعيش سعيد

بالنسبه ان يتبلونك والامور هذي:
خلك نبيه وتوكل على الله مثل ماقلت لك واحسن الظن به وانه يعلم بكل شي يصير صدقني بتكون انت نقمه عليهم مو هم النقمه عليك

اما في حالة انهم تبلوك فعلا
ياخي وش احلى من انه الرجال ينظلم بالدنيا تكفير ذنوب لك بالدنيا والاخره وحسنات ورضى من الرحمن اذا صبرت

يعني فكر بالامور من الاخير الله الرازق والموفق والمعطي
واحمد الله بالسراء والضراء مو بس بالسراء

واعرف وتيقن ان الي بيصير خيره لك
تحس أن بعض الأحداث التي وقعت لك لم تكن هي الخيرة بل هي الخيرة فعلا لانك لم تشاهد النهاية ولو أظهر الله لك الحكمة لما اخترت غيرها لنفسك

ويمكن عملك في شبهه شرعيه والله كاتب لك عمل احسن ماتدري


اختصر كلامي كله بـ

التوكل على الله وحسن الظن به وان لاتخاف من احد بالدنيا وان تصبر وتحتسب ذلك لله
وتعرف ان هذا ابتلاء وامتحان من الله وان تستمر على مبادئك وتخلصها لله لتعيش حرا صادقا مكافحا عابدا قويا بالاخير لن يحصل الا ماكتبه الله وان شاءالله خير حتى لو مااعجبك بالبداية لانك اخلصت في عملك لله ووثقت به فسوف يرضيك بالدنيا في اي لحضه ورضا كبير بالاخره