ايييييييييية الاسهم أجل...........!

شوف يالغالي انا بصراحة ماعندي تجربة بالاسهم لكن فيه اخوي الصغير جني بالاسهم انسان ماهو صاحي مهبول ملحوس <<ابي احاول اعبر لك عن حالتة بس

يصحي الساعة 10.30 الصبح عنده ثلاث لابتوبات +ايفون+ايباد طبعا يشغل اجهزتة قبل يفتح السوق اذا فتح السوق لاتكلمة الا بعد الساعة 3 العصر يدخل جو ثاني مدري وش يحس فية ..

اللابتوب الاول حسابة (المحفظة) بالبنك يشتري ويبيع منة

اللابتوب الثاني مشترك بخدمة البث المباشر للسوق

اللابتوب الثالث فاتح فية يجي 20 موقع من مواقع الاسهم

الايفون شغال 24 ساعة <<بعتم شريتم <<مدري منهم اللي باعوا واللي شروا

ع العموم مالك بالطويلة هو ما شاء الله علية فلتة باالاسهم وشغلة كله مضاربة يبيع ويشري بنفس الساعة وحالتة المادية ممتازة وهو عاطل سيارة جديدة رصيد بالبنك مدري كم يشتري ساعة يد ب950 ريال<<قاهرتني الساعة...وانا منتف أتسلف منه والله ..طبعا سلف تلف <<مايشم الريال



بس ترى الاسهم لها اثار نفسية على اللي اشوفة بااخوي <<الولد مشيب وهو ما وصل لل22 سنة +سوالفة مدري شلون جاية بعت وشريت ووزعوا ارباح والملخص السنوي للشركة الفلانية فية وفية والسوق متشبع ويعاني من الكساد


اعذرني ع البربرة اللي اكيد مااستفدت منها شيء ..

لكن شوف يالغالي ابي أستأذن منة عشان أعطيك رقمة وهو ماراح يقصر معك بس بالاول لازم ابلغة


وراح ارسلك الرقم ع الخاص اذا وافق <<بس لاتدق علية من 11 الى 3 العصر مايرد الا على ارقام معينة