إمممم .. والله شيء يحير بصراحة ....
لا إله إلا الله محمد رسول الله صلى الله عليه و سلم
أتمنى للوالده العزيزة أن يشفيها الله تعالى و يعافيها و يحفظها لكم بإذنه و قدرته
بأقولك رأي الخاص فيني اللي من الممكن ما يكون هو الرأي السديد و لكن على الأقل نساعد بعضنا بما نعرفه و الله عز و جل يوفقك و يلهمكم الأفضل و الأصوب
في البداية عليك بصلاة الإستخارة و بعد كذا " فإذا عزمت فتوكل على الله "
ثاني شيء لو تاخذ نسخة من السجل الطبي و تروح تاخذ إستشارة طبية من دكتور متخصص مشهور و معروف و هذا الأفضل اللي أشوفه من وجهة نظري لأن كل دكتور و دكتور خبرته تختلف عن الثاني و أسأل بالظبط وش هي التوصيات الأفضل لأن فيه خطر إن كان فيه تخدير على حسب ما ذكر لك

* المشكلة في الوقت إن كان موعد العملية يوم الأربعاء
* لا توافق إلا إن كان فيه تأكيد إن مافيه ضرر إن شاء الله
* لو تقدر ترسل الأوراق بالفاكس حتى لو لمستشفى مشهور كان أفضل أو لدكتور متخصص مشهور و معروف و تاخذون الرأي الأفضل و الأصح
* صلي الإستخارة
* شاور أكثر لأن من وجهة نظري الموضوع ما يحتمل لأن فيه أراء دكاتره مختلفه و غير كذا الجلطه بعد الجلطة الأولى و الثانية خطر و بالذات و هي كبيرة في السن فلا تستعجل
* حاول اليوم بقدر المستطاع تاخذ رأي دكتور متخصص
* وافق إن أكدوا لك إن ما عليها ضرر أو أجمع الدكتورين مع بعض و خلهم يتناقشون في هالموضوع لين يقولون رأيهم

و هذي مشورتي و الله تعالى أعلم و أعذرني إن كانت مشورتي غير صالحه أو غير مفيدة
أخوك في الله الغازي

الله يكسبك رضى الوالدين و يقويك لبرهما و طاعتهما ... نصيحتي لك أكثر من الإستغفار و من صلاة الليل و الدعاء في السجود و الإكثار من الصدقة أكررها لك الإكثار من الصدقة + الدعاء
الله يحفظها لكم و يشفيها و تنجح العمليه من دون أي ضرر بإذن الرحمن ... آمين