المشاركة الأصلية كتبت بواسطة أحساس مترف

المراهقين وطريقة معرفتهم للحقيقة بوسائل غير مشروعه أو مشروعه
مثل الأصحاب أو المقاطع الممنوعه هذا شي مو ممكن نسيطر عليه

بس المطلوب أن الأهل يكون عندهم وعي وحذر وتعليمهم
أن هالمقاطع مخله بالأدب والدين وأنها طريقة حيوانيه ما تمت للأدب البشري أو أحترام الذات
وهي عباره عن تخريب ...
صحيح هي تشرح شيء من الواقع لكن بطريقة مققززه وحيوانيه بحته

أي شخص بالدنيا بيبحث عن شي يجهله وبيعرف لكن التوجيه مطلوب
لا تنسى كلنا مرينا بهالمرحله ،، وكلنا كان له طريقته بالبحث

وأننا نكون مؤدبين أو بمعنى أصح جاهلين إلى مرحله المراهقه واعتاب الجامعه بعد هذا غلط
أحيانا الأهل يهتمون بشكل كبير ويطلع البنت أو الأبن جاهل ويحصل له ضرر بسبب هالجهل

يعني مثل جيلنا نوصل لثانوي ما نعرف غير كلام من مخيلتنا أو قصص تروى
أنا صراحه أفضل أعطاء مساحه من الحريه البسيطه إلي تخلي الطفل أو المراهق واعي

دائما الأهلي يحرصون يخلون أبنائهم جاهلين وما يبونهم يعرفون شي عن هالاشياء

أتذكر بثالث متوسط كانت بنت تسوي حركات وكنت ما أفهم وش يعني حركتها
ولما سألت بنت وعلمتني خفت منها وسكت
مع الايام قلت لأمي ،،، قلت لها لأنها لاحضت سكوتي

وللاسف ليتني ماقلت ردت فعلها كانت مرعبه ودتني الغرفه سكرت الباب وعلميني وش صار سوتلك شي صار شي بجد مو أسلوب ما صار شي وأنا أرتعت

وراحت المدرسه وسوت سالفه للإداره ونقلتني من مدرستي غصبن علي
وهو ما صار شي بس البنت تسوي حركه وأنا مدري وش يعني

بالمدرسه الثانويه كان الوضع مدري كيف
للأسف الطالب إلي يكون جاهل ودائما غير قابل أنه يجرب ويعرف أشياء يكون عرضه لتحرش

هذا الموضوع جدا حساس فمستحيل الأهل يتفهمونه
ومستحيل الأبناء يعرفون هالشي عن طريق الأهل

يالله قصة مو تعليق ردي

المشاركة الأصلية كتبت بواسطة حُلُمي التدريس

والله المفرووض تثقيف الأطفااااااال
وربي مو حاله التحرش الجنسي من قبل الاقارب واااارد جداا
والطفل مسكين مايدري باللي حوله ويسكت مايقول شي لاهله
الله المستعاان بس ماعاد الواحد يثق باحد من كثر اللي نسمعه ونشوفه
الله يحفظنا ويستر علينا بستره المفروض الاهالي ينبهون بزرانهم عن المناطق
والحركات المحظورة بس وش نقوول الله المستعااان كل شي صار يخوف
عندي حتسي واجد بهالخصوص بس اتوقع كل شيً واااضح