اول جوال عام 2002



اخذته من عند الوالد وكان ثقيل مرة ...واذكر مرة طلعت من المسجد وصفق الجوال في راس واحد يصلي وتعور الرجال


بعدين شريت هالمزيون عام 2003



من مكافأة الكلية ب850 ريال......


بعدين بعته وشريت هذا عام 2004



بألف ريال يوم اني اشتغل في الشعيبة....وكان هالجوال يعتبر ثورة في مجال الاتصالات لأنه اول جوال ملون ...ويكتب الف حرف


بعدين بعته وشريت الباندا ب1500 عام 2005



وكان محرم ولا يجوز بيعه وشرائه ولا اقتنائه لانه حرام....والسبب ان واحد صور وحدة وهو يغتصبها اسمه برجس.....وكان لابد من درء المفسده


هههه هذا قصته قصة

يوم قررت ان اشتريه رحت لواحد وجابه لي في كيس اسود بعد صلاة الظهر والناس يناظروني كأني حاط راس ادمي في الكيس موب جوال

بعدين بعته وشريت هذا في عام 2006

الخيال





بعدين بعته لأني طفشت من بطارية الجوال ابو كاميرا كل يوم اشحنه

وقررت ان انتقل الى جوال وهو

نوكيا6060 ابو باب....ب 245 ريال شريته عام 2006



وصراحة افضل جهاز جربته وعاش معي 5 سنوات وبعته بسبب الموية اللي دخلته في سيل جدة الاول




بعد كذا شريت ابو كشاف ب 110 ريال عام 2009 والى الان معي والصراحة مريح جدا جدا والحرامية ما يبونه ولا يقربون منه اذكر مرة واحد تاب على يدي بسبب هالجوال سرقه بعدين رجعه لي وهو يبكي ويقول توبة ماعاد اسرق توبة