المشاركة الأصلية كتبت بواسطة رورتي

يابنات سمعت كلام خوفني عن المدرسات اللي يدرسوا بالقرى وحده منهم قالت اول مااتوظفت وداومت شوفت منظر مررررررعب معلمه وطالبه اتضاربوا المهم الطالبه خرجت موس من شنطتها وقطعت وجهه المدرسه تقول تاني يوم وارجع لبيتي وابطل من الوظيفه نهائيا وليومكم دا الطالبه ماصار فيها شئ لانها بنت شيخ القبيله اللي في القريه كان عقابها بس فصل لمده اسبوع وبعد كدا داومت وراسها مرفوع,والموقف الثاني صار لصاحبه اختي تقول اتوظفت بقريه بعيده عن بيتهم واستاجرت بيت هي ووحده معاها المهم تقول انه في شباب (عرابجه)عرفوا انهم ساكنين ببيت مافيه رجال وتقول يجلسوا تحت بيتهم ما يتحركوا وفي يوم تقول بالليل الا وثعابين تطلع بغرفتهم ومن الفجعه تقول لبسوا عباياتهم وطلعوا برا مع انه خايفين من شباب القريه وتاني يوم يرجعوا لبيتهم وتركوا الوظيفه,والموقف الثالث صار لواحد من معارفنا وهو مدير مدرسه في قريه يقول والله مافي اي احترام والطلبه هناك ماعندهم يمشوا بالسكاكين والمسدسات وغيرها واللي يزعجهم مايردهم اي شئ على طول طعنه ببطنه يقول انا احاول اكسب رضاهم باي طريقه يعني انا اللي اخاف منهم وكلمتهم اللي تمشي ولا يا انا ياسيارتي في عداد الاموات وبعض المعلمين يرشوا الطلبه بالفلوس بس عشان يسكتوهم او يراضوهم في حال انه المعلم مادخل مزاجهم!!
هذا اللي سمعته وحبيت ابلغ وانصح