موضوع يقلب المواجع < فاهمه خطأ الاخت ,, اقصد موضوع يقلب الايام الحلوه
تشكر عليه يا اخ نسييم
اذكر المعلمات اخذين فيني مقلب قووووي اني مؤدبه ,, وانا ياما تحت السواهي دواهي < لا احد يفهم خطأ
بس ماني زي اختي اللي اصغر مني .. تكسر لمبات الحمامات !
اذكر مره هربت من الحصه لحالي مو مع الشلة الموقرة .. كان عندنا اختبار تجويد شفوي بسادس
والمعلمه وقت الاختبار تجلس برا الفصل وانا استأذنها ابي اروح الحمام وعييت علي ..
بالاخير جبت كرسي ورقيت عليه و هربت من الفصل عن طريق الدريشه
ورحت الحمامات .. وجلست العب مع البنات اللي كانوا في الساحه ,, يوم جيت ارجع للفصل قلت للبنات طلعوا لي كرسي ارقى عليه ..
اذكر وحده عنيده تقول ابنادي لك الابلا تشوفك واني هاربه .. بس غصب عنها عطوني البنات كرسي ورجعت للفصل بسلام ..
اذكر بسادس كان كرسي المعلمه منكسره رجله .. لكن ما وضح ..المهم حطينا بالفصل كأنه تماام
يوم دخلت المعلمه وبكل ثقه تجلس على الكرسي وتطيح في الارض
.. قالت الله يهديكم ليش ما قلتوا لي انه منكسر قلنا له ما درينا 
وبسادس ايضا ..المعلمه اذا جت تسمع لنا القرآن كل يوم تبدأ بجهه من الفصل ومره جت تبدأ من جهتي انا والشله يومين ورا بعض حنا 4 وعيينا نسمع .. راحت تنادي المديره ..
وتجي للفصل وتسْطِيع محترم .. وقالت بعد الفسحه ايضا فيه تسطيع قدام كل بنات المدرسه ..
يوم كنا صافين بطابور الفسحه عطيت اللي جنبي الشكولاته والشبس اللي معي < اتجهز للتسْطِيع ..لكن المعلمه قالت ترا رحمتكم ما ابي افشلكم دامكم سادس خلاص ما فيه تسْطِيع
تسْطِيع = تضرب يديننا بالمسطره
اذكر مره نزلوني للمرشده (تخيلوا مرشده) لأني دايم اكل علك 
والمرشده تتكلم علي حسيت اني مسويه جريييمه
المشكله أختي اللي اصغر مني يوم كانت بسادس كانت تقول لها المراقبه خليك أخلاق زي اختك !!
...........
في اول متوسط اذكر معلمه القران مررره طيبه ولا تنتبه للطالبات زين
كنا نقول للبنات اجتمعوا عنده ..
ثم اذا تجمعوا البنات نهرب من الفصل
وفي المتوسط كانوا بيحطون حفل تخرج لثالث متوسط بالاسبوع اللي قبل الاختبارات النهائيه
وقايلين لطالبات ثاني و أول لا تجون بيوم التخرج ..
ومن العناد انا جيت ..كلهم ثالث الا وحده بأول متوسط قلت لها ماورانا شي .. امشي للدور الثالث
واطلع طفايه الحريق ونضغطها شوي < خلاص دامنا فتحناها انعدمت ,,
بعد ماخربنا الطفايه .. نزلت لحوش المرسه وكان فيه بويه .. قمت انا واياها نحوس بالبويه على الجدار
المشكله اكمام المريول جايها بويه كثير .. واطراف المريول من تحت ,, رحنا نغسلها لا تشوفنا المديره ..
وبثالث متوسط عندنا معلمه الانجليزي حامل وبتشرح لنا درس وحنا نقول لا ما نبي
وهي عصبت علينا قالت طيب ما راح اشرح لكن ادخلوا الفصل ..
قلنا لا ما نبي ندخل آخر شي بنسوي فيها طيبين نطلع واذا شفنها دخلنا اول ما تجي نسكر الباب بوجهها .. اكثر شي آلمني اانا ما نفكر بالعواقب وكم مره ضربنا بطنها بالباب
راحت تكتبنا تعهد .. واعتذرنا لها وعادت المياه الى مجاريها .. صرت دافوره عندها 
......
في الثانوي حاليا ما اذكر انه فيه موقف > خلاص صرت عاقله
قصه حياه 
[align=center][mark=#FF9999].[/mark][mark=#FF9999] لا إله إلا الله ,, فدا العسكرية 
[/mark][mark=#FF9999].[/mark][/align]