المشاركة الأصلية كتبت بواسطة يانظرعين مغليك

اهنيك على الفكره
والله مع انه عندنا غنم للوالد ولي فوق 25 سنه اتابعها معه
ماشفت الفايده الكبيره منها نبيع من جهة ونرد الفلوس فيها
غير الذبح المستمر احسن مافيها انها اراحتنا من هم شراء ذبيحه لاي ضيف اوللعيد
والفايده الكبيره انها مريحتنا من الملاحم مانشتري من برى ابدا لابرمضان ولابغيره

اللي اعرفه ان اللي يتاجرون يستفيدون اكثر من اللي يربون
يشترون الطليان حتى لو رضع ويبيعون اذا جاء موسم الحج
بينما المربي يتعب طول السنه وقيمة البيع ماتوفي قيمة ضرمتها وراتب الراعي
يعني لو الواحد يشتري بعد 3 شهور طليان ويصبر له الى الموسم بيكسب اضعاف اضعاف
اللي يربي ويبيع من بهم غنمه
اكثر اللي يتاجرون يجون للهجر مثل هجرتنا و ياخذون للمدن والفرق كبير في الاسعار

مشروعك فيه نقاط كثيره تكلف ومالها معنى بصراحه
لو بشتري 50 رراس يكفي يكون معها فحل واحد
وش الفايده ابني مستودع واتعب واكلف عمري عليه
الحضاير 3 تكفي وشبك فيها للعلف والحب
حضيره للغنم وثانيه للبهم والثالثه للدفع والمضاريع اللي على وشك