اقتباس:
المشاركة الأصلية كتبت بواسطة دبلوم سياحة
هذا هو المهم ان الراتب الدبلوم تقريبا يوصل 6000 مع جميع البدلات والسكن والمواصلات والاوفر تايم
والواحد ينتظر رزقه الناس بعضهم بس يتكلم على الفاضي اذا مايعرف شي مايقول ما اعرف يصرفلك
ومحمد الي تسئل عنه هو انا بعد ماخرجت من المقابله لحقني السكرتير حقه كان معه في المقابله وقالي
اترك جوالك مفتوح لا يقفل لان توصلك رساله منا عليه وراتبك يامحمد حيوصل 4500
|
عاشت الاسماء أخ محمد حصل لخبطه عندي كنت احسبك تقول (( وقلي الاخ محمد بتوصلك رساله ))
تصدق اول مره قدمت على بن لادن قبل 8 أشهر تقريبا رحت للمبنى اللي جنب العبيكان في شارع الامير سلطان خلف مكتبة العبيكان .
قلت للأخوان هناك انا مقدم ليه 4 أشهر ومحد رد عليه (( واحد لقبه فهد القحم غامدي المدير الاداري )) وقال فينك من زمان ! قلت محد دق عليه قال طيب تبي (( أداري او ميداني )) قلت اداري والعمل من 8 ــ 2 ومن الساعه 5 ـ 8 فترتين ...
المهم زهم على واحد اسمه زياد كمال او كمال زياد وقله شف ملفه في مجلد السعودة وحصل اوراقي ...
قال تعال بكره رحت وعمل ليه المقابلة الشخصية وقال راتبك الاجمالي 3800 ريال ....
وقلي ما فيه الا في المطار وقلي متى بتجي تستلم شغلك ؟ قلت بعد اسبوع وفعلا بعد اسبوع و3 ايام مريتهم وقابلت زياد كمال وقلي (( أنت منت قلت أنك توظفت ! )) قلت والله ما قلت هذا الحكي .
قلي طيب المهم عرض اوراقي على فهد القحم وجاء وقلي والله الحين مافيه شيء يناسب مؤهلاتك الحين جالسين نوظف (( مساعدين انتاج لحملة الثانوي )) تخصصك الحين مهب مطلوب (( فهد القحم قلي كذا )) هذا الحكي قبل رمضان ...
وقال تعال بعد رمضان ان شاء الله نلاقي لك شاغر ...
المهم رحت بعد العيد وقلي ما جانا شيء مريت على فهد وقلت يا استاذ فهد انا مقدم ليه 4 أشهر قال والله اني الحين موظف 400 واحد ما وقفت عليك يا فيصل لكن خلينا نخلص من توظيف الثانوي (( مساعديين انتاج )) وبعد كذا ان شاء الله نوظفك .
قلت طيب تحتاج صورتي احطها على الملف حقي عشان تذكرني (( ضحك )) ..
والى يومك هذا ما دخلت عليهم وسبحان الله بعد الحج مباشرة تصلني رسالة على الجوال برابط الموقع وقدمت عليه ...