اقتباس:
المشاركة الأصلية كتبت بواسطة امير الآحساس
طيب انا مؤهل وقبل اسبوع من صرف حافز
توظفت في شركة وسجلوني في التامينات الاجتماعية والغرفة التجارية عشان يجيني دعم من عندهم
والحين ادخل على موقع حافز مكتوب مؤهل
والحساب عندي مجمد رحت البنك زحمة ومواعيد تتوقعون يجيني حافز؟؟
|
اخوي دام انت مؤهل يعني انت استلمت اول اعانة لان ماامداهم يحدثوا ويتاكدوا من بياناتك توظفت او لا وحسابك اول ماينشط راح تلاقيه فيه 2000 تبع محرم اللي انصرفت بشهر صفر 
اما حاليا فاقول لا ماراح تنزل لك اعانة هالشهر لسببين الاول مسجل التامينات الاجتماعية والثاني الغرفة التجارية
ومثل ماسمعت راح يكون تدقيق اكثر بالمعلومات بسبب الخطا اللي صار لاغلبية اللي طلاب انتظام واخذوا وموظفين واخذوا وفوق 35 واخذوا
يعني بالعربي لاتتوقع هالشيئ راح يفوتهم غلطوا مره بس راح يصححون الخطا باسرع وقت لان هذي الفلوس مستخسرينها على المؤهلين والمطابقين الشروط كيف غيرهم وحتى تكون عندهم فرصة يقللوا من الاعداد
انت حاليا موظف ولله الحمد يعني مو محتاج حافز والشروط ماعاد تنطبق عليك اذا تبي الله يبارك لك برزقك لاتاخذ شيئ مو لك وبيصير في ذمتك لانك مو عاطل ومايسوى الواحد يحاسب على فلوس ووسخ دنيا اللي اخذ وهو طالب انتظام وغيره كيفهم اذا هم رموا انفسهم بالنار برمي نفسي معهم
اهم شيئ النية الصافية والله يرزقك ويبارك لك بوظيفتك وتوصل لاعلى المراتب والجميع يارب