الاختبار بيكون يوم السبت 20 / 2على فترتين ولا راح ينعاد لأي أحد مهما كانت الظروف ..
وكل متقدمه بتختبر في المنطقه اللي قدمت عليها
ياليت تلتزمون بأوقات الاختبار وما تتأخرون لان لو مرت ربع ساعه على الاختبار ماراح يدخلونك
الاختبار بشكل عام جزء منه اسئله صعبه وجزء اسئله سهله والاغلب اسئله متوسطه وكلها في مجال تخصصك
درجة الاختبار من 40 وفي حال اخذتي درجه اقل من 20 تستبعدين

التقييم العام ..
المؤهل عليه 50
الخبره 5
الدورات 5
الاختبار 40
وتتم المفاضله على هذا الاساس

بالنسبه لاثبات السكن لحد الآن مافيه شي اكيد واحتمال ضئيل يطلب الاثبات
بس في نقطه مهمه حابه انبه عليها خاصه اللي يتقدمون على وظائف مو في مقر اقامتهم وبعد المباشره يزعلون اذا ما تم نقلهم
** بعد المباشره في الوظيفه مايحق لك تطالبين بالنقل الا بعد مرور 3 سنوات من المباشره بدون ما تتخللها اي اجازات استثنائيه او رعاية مولود + وفي حال وجود احتياج في المنطقه اللي حابه تنقلين لها

وبالاخير لا تحبطين من الاعداد الكبيره اللي تقدم على الوظيفه ماتدرين يمكن تكون الوظيفه من نصيبك افعلي الاسباب وتوكلي على رب العالمين

بالتوفيق للجميع