المشاركة الأصلية كتبت بواسطة ما يقال

أختي أنا بعطيك طريقة وبإذن الله لو طبقيتها راح تقدرين توفرين من دخلك الشهري كثيررررررررر

كيف ؟؟

في بداية كل شهر أكتبي جميع احتياجات الشهر واشتريها بالكرتون من سوق الجملة (مثلاً عتيقة)

ولا تشترين بالحبة أبد أبد أبد إلا اللي تعرفين أنها ماراح تخلص قبل لا يخلص الشهر مثل الشاهي يكفي شهرياً علبة أو علبتين

أما الأشياء اللي بتخلص مثل الأجبان أو المكرونة .. الخ فلا تشترين بالحبة اشتريها بالكرتون من سوق الجملة

ومثلاً حليب الصغير وحفايظه أكرم الله الجميع اشتريها الحجم الكبير للي يكفي الشهر ويزيد

وحتى العصيرات والبساكيت اللي ياخذونه الأطفال للمدرسة اشتريها بالكرتون

وبكذا بتفتكين من انك كل يوم تطلبين من البقالة

ما يسحب المصروف شي أكثر من البقالة اللي أحياناً نطلب منها في اليوم أكثر من مرة ونشتري منها شي محتاجينه ولازم لازم نطلب أشياء ما نحتاجها بحجة أن الهندي بيطق مشوار فلازم يكون الطلب يستاهل

وكذلك لا تتقضين من الأسواق الكبيرة مثل هايبربنده والعثيم والسبب أنك تروحين وتشترين أشياء وأشياء ما كنتي مفكرة تشترينها

وللمعلومية أسعار الجملة أفضل من أسعار هذه الأسواق

والأشياء اللي يخفضون عليها في هذه الأسواق إما لأنها قربت تنتهي مدتها أو لأن جتهم بضاعة ويبون يصرفونها والتخفيض اللي يحطونه نفسه تحصلينه في محلات الجملة وتتميز محلات الجملة أنها أجد صلاحية

طبعاً بتحتاجون من البقالة أشياء ظرورية يومية مثل الخبز أو اللبن والزبادي .. الخ هذي يمر ولدك الله يخليه لك ويشتريها من البقالة بنفسه منها عشان ما تطلبونها من البقالة وتطلبون معها أشياء زايدة عن الظروريات ومنها يختار الشي اللي تاريخه جديد

بعد ما تتقضين مقاضي شهر وتسددين فواتيرك راح يبقى معك مبلغ مش بطال بإذن الله

والأفكار كثيرة ولكن طولت السالفة وما أبي اطول اكثر


بالتوفيق لك والله يخليهم لك ويحفظهم