اقتباس:
المشاركة الأصلية كتبت بواسطة نويصرر
اولاً مبروك الترشيح للجميع .. وعسى بالامر خير للجميع
ثانياً هالوظائف بدون تخطيط او تدبير او حتى نهج واضح وتدل على تخبط وزارة الخدمه المدنيه وضياع وزارة التربيه والتعليم ...
ومافيها الا ميزتين فقط وهي التشابه مع الاخوه المدرسين بالدوام والاجازات وايضاً التعيين بنفس المدينه ... ولكن فيها هظم للحقوق واجحاف للقدرات والامكانيات
للامانه وللصدق هذي الوظائف المفترض تخصص لخريجي المرحله الثانويه مع كامل احترامي وتقديري لهم ..... حرام بكالوريوس ادارة اعمال وخبره بكبرى الشركات واخرتها مساعد اداري لمدير ما عنده اي خلفيه اكاديميه بعلم الاداره وبواقع الحال هو مدرس ذو خبره فقط
وايضاً حرام خريجين الحاسب الالي بدل ما يكونون مبرمجين او خبراء شبكات ا ... يصيرون فقط مدخلين بيانات كانهم حاصلين على دوره من معهد
وايضاَ حرام خريجين التخصصات الاخرى بدل ما يكونون مدرسين يتم تحويلهم لمساعدين اداريين برواتب اقل بالفين ريال تقريباً
يااخوان هذا هدر لطاقات الوطن والله حرام والمصيبه الاعظم المرتبه السادسه والدرجه الاولى ويتساوى الدبلوم مع البكالوريس مع الماجستير ولا يتم احتساب الخبرات ... لكن نصيحه يد الله مع الجماعه ياليت لو بعد المباشره يتم رفع دعوه ضد وزارة الخدمه المدنيه والتربيه والتعليم وراح ناخذ حقنا بالقانون
حتى مسمياتهم الوظيفيه خطا فادح ما تليق بحجم الشهادات والخبرات والخطا من الديوان يعطي وزارة التعليم صلاحيات تفوق امكانيتها وقدراتها وهي من صميم عمله .. ما يكفي ضياع حقوق المعلمين بفترات سابقه والمشاكل القائمه بسببها ولا لازم نكون مثلهم وتضيع حقوقنا
|
عجبني كلامك ، يعطيك العافية ...
خاصة بداية من كلمة للامانة والصدق الى الاخير كلام في محله 
بس ايش نسوي لوزارة الخدمة المدنية اللي تبغى توظف الشباب باي طريقة 
مشكورين ومقدرين على هذا الشيء 
في ناحية ايجابية في هذه الوظائف انها افضل نسبيا من بعض الوظائف والبطالة طبعا وينطبق عليها المثل الجووووود من الموجود 
يعني المتوفر حاليا
وفيها نواحي ثانية سلبية بعضها انت ذكرتها بمشاركتك بس خلينا نحاول نطال لنص الكوب المليان ونكون ناس ايجابيين ومتفائلين ونسيب النص الثاني الفارغ في الوقت الحالي وبعد التعيين والمباشرة لكل حادث حديث 