اقتباس:
المشاركة الأصلية كتبت بواسطة خريجة اعظم جامعة
اضطرابات توحد ..احنا ماكذبناك بوجود الواسطة لكن قلنا نمشي معاهم ونشوف وش اخرتها احنا صرنا مثل الغريق اللي يتعلق بقشه
عموما ..انا حامت كبدي من الموضوع ..وش عاد يبغونا نجيب لهم عشان نتوظف ..جبنا ماجستير مع مرتبة الشرف الاولى ودورات .. ياعالم قهرررالطموح انقتل فينا صار الواحد يخاف يكمل دكتوراه ويرجع عاطل بالدكتوراه ..انا الحين عندي بعثة دكتوراه وماصرت متحمسة لها بعد ماشفت اللي رجعوا من الابتعاث وماتوظفوا ..وكل زميلاتي اللي من دفعتي وقدموا على الابتعاث نفس حالتي
اخر مطابقة لحملة الماجستير والدكتوراه في الديوان قالوا ان اعدادنا 3000 والشاغر 100حسب كلام احد الموظفين ..واللي يقهر الجامعات ملياااانه اجانب ..وهم يتحججون بقلة الشواغر ..اجل وين هالميزانية بالمليارات
اذكر مره قدمت في احدى الجامعات ورحت القسم ..اقسم بالله مافي ولاسعوديه وخذت ملفي الاجنبيه ..ولما اتصلت وتابعت قالوا بناخذك متعاونة بس توقعين على تعهد بعد المطالبة بالترسيم ؟؟؟؟
وش رايكم
حسبي الله على كل من وقف في وجه توظيف السعوديين
والحين كملتها هالجامعة قدمنا وترشحنا من الكلية ولاعاد سمعنا حس ولاخبر ..وياخوفي يصيرون زي باقي الجامعات الناشئة يعلنون عن وظايف وقائمة بالتخصصات طويلة عريضه وفي النهاية يرشحون واحد والا اثنين ..
حسبي الله ونعم الوكيل
|
اختي خلينا نحسن الظن فيهم االعابر قال احتمال الثلاثاء او الاربعاء يعني ما قال اكيد هذي نقطة
اما مايتعلق في تقديمنا اكيد فيه نتيجة اما سلبية او ايجابية يعني فيه نهاية للموضوع
على العموم انا اتصلت اليوم بشخصين من المجمعة
الاول من مكتب مدير الجامعة طبعا سألتة الاوراق طلعت من مكتب المدير وذهبت الى اللجنة قال هذي معلومات سرية مانقدر نفيدك بالموضوع ولما قلت ان اللجنة ينتظرون الاوراق تجي من المدير قال انه فيه ظرف طلع من مكتب المدير في نهاية دوام الثلاثاء الى اللجنة
اما الشخص الثاني من مكتب وكالة الدراسات العليا والبحث العلمي قال ان الاوراق مرفوعه الى وزارة التعليم العالي ثم تذهب الى مدير الجامعة حتي يوافق على التنفيذ ثم ترجع مرة اخرى الى اللجنة وعلى كلامه ان القوائم راح تجي من الوزارة الاسبوع القادم واتوقع انه ماعنده خبر اذا الاوراق وصلت للمكتب ام لا
خلونا نصبر ونشوف اكيد خلال الاسبوعين بتتوضح الصورة لنا اكثر