المشاركة الأصلية كتبت بواسطة مقبل على الدنيا

راجح عندي كذا سؤال لو تكرمت ، و عذرًا بتعبك معي .. وش المقصود بالتالي:



مكبس وطني .. هل هو نفسه آلة الكوي؟

نعم

أيش المقصود بالبويلر ؟؟ وش مهمته لو تكرمت؟

البويلر هذا الة البخار
وتستخدم في الكوي وفي تنشيف الملابس

نشاف امريكي .. طبعًا نشافة هدوم فقط تكون يعني مالها دخل بالـ بطانيات.
النشاف اكيد للملابس ولكن للبطانين مدري بس باتاكد لك من عاملي واعطيك خبر
(معلومتك حلوه ولا كنت ادري عنها)
غسالة بطانيات .. هل لها أحجام معينة ؟ يعني هل بالوزن فقط؟
ايوا يا الغالي
عندك
18 ك
و
23 ك
و
27 ك
تقريبا
غسالة عمود وش المقصود بها بالضبط؟
غسالة عاديه ولكن لها عمود بالنص
كذلك سير ملابس وش تقصد به ؟! هل هو لتعليق الملابس و الا ايش؟
نعم الي يتعلق فيه الملابس
بس مو إجباري تشتريه





و يا ليت توافينا بخطتك لإدارة المغسلة لو تكرمت

المشاركة الأصلية كتبت بواسطة موظف بنك الراجحي

شف ياخوي بالنسبة للتكسير اذكر البلدية قالو لازم مخفي تاكد هذا اوحد

2- لاتنسى تاخذ المواسير نوعية ممتازة والصنابير لازم تكون اصلية ولا تراها بتعبك اذكر اخذت الواحد ب 35 ريال

3- غسالات الملابس تاكد من الكهرباء تراها 110 ورأس ثلاثي يعني رتب بين مكان الغسالة والفيش

4- بالنسبة للمواسر المكاين مثل النشاف والمكبس وغسالة البطانيات تراها حديد ومكلفه اعمل حسابك

5-ناموسية للحشرات كشافات شحن

6-فيه فيش للنشاف نوعية المانية له اسم بس ناسيه اتوقع سعره 80 ريال

7-اعمل حساب فتحه تطلع بخار النشاف للخارج

8- الانارة لها دور

9-واذا تسمع النصيحة ترى مشروع المغاسل صحيح مربح باذن الله بس ترى تاجير المغسلة للعمالة افضل بكثير لكن بامكانك متابعه المغسلة 3 اشهر ثم حدد الايجار وانت ابخس اذا فيك حيل تتابع الله يوفيقك لانه يقدر يكسب من وراك في الكوي او الناس الي تعرف عليهم ولا ياخذون فواتير

واي معلومه تحتاجها انا جاهز اخوي

الله يوفقك ويكتبلك الخير والبركة