اقتباس:
المشاركة الأصلية كتبت بواسطة اممم عاطل
السلام عليكم ورحمة الله وبركاته
كيف حآلكم آسعد آلله صبآحكم ..
آدري آدري آذآ سلمت تدرون آن عندي آخبآر جديده هه
آلمهم آني شلت نفسي آمس ونقزت لمركز آلدفآع آلمندي حق آلريآض ،
قآلي خلأل عشر آيآم بتكون وآصلتكم آلرسآيل .. طبعآ آلكلأم هذآ مو آلرآئد لأ آلشبآب آللي يشتغلون عنده ،
طبعآ هذآ آلكلأم للدفعه آلأولى آكيد 200% يعني شدو حيلكم ،
يقول آلدفعه آلأولى كلهآآآ بنرسلهآ آلدفعه آلثآنيه آلأغلبيه بنرسل لهم ، آلمهم قآلي آسمع آلرآئد يقول آلدوره بمكه ،
بهذي آلأثنآء دخل آلرآئد آلأحمد ، قآل آورآق آلدفعه آلأولى مرسلينهآ قبل شهر آو آكثر آتوقع لوزآره آلدآخليه
آلمهم قآلي آن آلعقيد آلنهآري يقول آسرعوآ بآجرآءآت آلقبول لأن آغلب آلمتقدمين بدوآ ينسحبون ومآيحتآج نفتح تقديم جديد آو دفعآت جديده ، وآلله على مآ آقول شهيد ..
طبعآ عندي معلومآت ثآنيه من آشخآص بس مآني قآيلهآ لأنهآ يمقن صح ويمقن غلط عشآن كذآ بسكت ..
|
وعليكم السلام ورحمة الله وبركاته
بخير يا مال الخير ؟ خبارك انت يا صاحبي
عشر ايام ولا عشر سنين يا بعدي صدقن الكشته بالبر ما مثلها معطيهم الخامس بعنننننننف
العشر ايام وفهمناها بس بقى المعلومات الثانية اللي من اشخاص لاننا نحتاج اننا نهيأ نفسياتنا من الان عشان ما ننصدم ولا عني انا يا رجال من هنا ل 4 شهور قدام فاضي ومستانس وحافز وكح كح وبر وشتاء وموسم مطر يعني ممكن نصرف انفسنا لين الموعد <<< اي هين بس
اقول اخلص علينا ترانا مستويين صرت تقل ابو فروة جاهز بس الكلفه بالتقشير وش المعلومات اللي من اشخاص عطنا ...
خبر عاجل / تجمع متقدمين الدفاع المدني امام مستشفى طارق الحبيب لمشاكل نفسيه لديهم وتجدر الاشارة بأن العدد والزحام يزداد مما ادى لأغلاق الشوارع وروى بعض شهود عيان بأن احد المتقدمين على قطاع الدفاع المدني يعاني من جنون وذالك بدورانه بالشوارع وبيده طفايه حريق وروى شاهد عيان آآخر بأن هناك احد المتقدمين بدأ يأكل طفايه الحريق اما بوابه المشفى واستجابو رجال امن المستشفى لنفسيات هاؤلاء الابطال وقامو بالتتضامن معهم وداهمو المشفى وقابلو سعادة الدكتور دفعتن واحده ورشقوه بطفايات الحريق حتى توفى انا لله وانا اليه راجعون قدر الله وما شاء فعل .. 