المشاركة الأصلية كتبت بواسطة موظف بنك الراجحي

السلام عليكم ورحمة الله وبركاته
مساء الخيرات للجميع
حبيبنا هذا معلومات الله ينفعك بها...

1- لابد من حوض من الجدار في الجهه اليمنى الى الجهه اليسرى يبعد عن الجدار تقريبا 1,50 بارتفاع بولكه واحده حتى لايطلع المويه وتروح على طول للتصريف وهذي من شروط البلدية

2- الجدار اللي خلف الغسالات تشترط البلدية انه سرميك 3م على الاقل تاكد

3- لابد من مروحه شفط حديد قيمتها ممكن 120 ريال هذا مفيد في الحر عشان التكييف

4-طفايات الحريق لابد وحد رغوه عشان الديزل

5- الميكف لاتسبك له مركزي لا اكسر الرف وخل المكيف على طول يكيف في المحل

6- بالنسبه لتعليق الملابس ورفوف البطانيات مرلك كم مغسلة التصاميم كثيرة والاسعار تختلف عاد انت وذوقك

7- اذا بتركب غسالة بطانيات فلازم تحفر 30 سم في الارض وتصبها صبه وتحط مسامير الغسالة لانها لازم تثبت بالارض ولى يمكن ماتلحقها الا اخر الشارع

8- البلدية طلبت مني بانيو صغير قالك عشان التطهير حطيناه وماستفدنا منه

9- لابد من غسالة عاديه بس قويه عشان تنشيف الاشمغه والغتر وانصحك بنوع سانيو ترا مابقي الا هي في السوق يباني اصلي وتكد معك كد يحبه قلبك

10- ترا لك فرع بلدية شروطهم وتعقيدهم يعني تاكد منه وهذا اللي مضيعنا

اتمنى لك التوفيق والخير لك ولمن يقراء لنا

غفر الله للجميع

المشاركة الأصلية كتبت بواسطة سنيورتهم

الله يوفقك ان شالله
بانتظاركم انت واخوي توسيقار وبانتظار صور للمشروع اكثر وصور للمعدات

المشاركة الأصلية كتبت بواسطة اكمل الفراغ

الله يباااارك لك