[GLOW="990033"]
أستــاذي
البعد الخامس
[/GLOW]
أرحب بعودتك مرة أخرى
ومن ناحية وجهة نظرك فهو صحيح وعقلاني أكيد
اللي مو قد الزواج لا يتعب حاله بالتفكير فيه أصلاً ،،!!
ومن ناحية تهرب الشباب من المسؤولية ، فمو كل الشباب مثل بعض!؟
البعض عنده وظيفه زينه ، وراتب ماشاء الله ولكن على قولته : لسّا ما فلّيتها
وبعد ما يحس إنه فلّها ، يكون عمرة متجاوز ال37أوال40سنة
هذولا اللي ماعنده سالفة بشيء إسمه مسؤولية وزواج وغيره
لكن البعض الآخر من الشباب ، يبي يتزوج ، يكون عيله
لكن ، ماعنده عمل يقدر يصرف منه .. أو ..
عنده وظيفة ولكن مرتبه ياااااالله يكفيه هو لآخر الشهر
لأنه بالكاد يسداحتياجاته الشخصية
كمان الغلاء اللي ذابح العالم ، وقال إيش
فائض ميزانية وخرابيط فاضية ..!!!!
كلما زاد فائض الميزانية كلما ولّعت الدنيا ناااااار
والشعب الكريم ، يشيل لو كانت علبة العصير وصل لـ10ريال مافتح فمه ..!!
شوفوا مصر لما رفعوا التجّار سعر كيلو السكر ربع جنية وش سووا المستهلكين؟؟
قااااااااااطعوا السكر ، واحتجوا وقوّموا الدنيا ما قعّدوها..!!
وبالأخير هم ( المواطنين ) اللي كسبوا وألغو الربع جنية!!!
بس إحنا للأسف شعب إستهلاكي بحت!!
يعني ترفع تنقص أبشتر منك أبشتري ،
عشان كذا
فتحوا أبواب طمع التجار بجيوبنا على مصراعيه ..!
وحدث ولا حرج
( والله أحس إني شطحت كثير عن الموضوع ولكن ، معليش
)
راح أرجع لمحور حديثنا هنا ،، وأكمل:
صدقت أستاذي من ناحية
( احنا بعض مجتمعاتنا الخليجيه مانتزوج
اللي يتزوجوا هم الاهل !! تقول لي كيف اقول لك
ان الكثير يتجه لامه لانه مافيه حل ثاني اساسا او ابوه
ويشر له على بنت ماعمره سمع عنها شئ اصلا
ويخطبوها ويتزوجها وينصدم وتنصدم حتى
البنت من هالزواج .. صح والا غلط!!)
صحيح والله ، ولكن السؤال هنا
كيف يقدر الشاب أو الفتاة في هالزمن أن يختار
شريك حياته المناسب له ، في ظل الظروف المعيشية والإجتماعية اللي نعيشها؟؟
وإحنا مثل ما الكل يعرف مجتمع محافظ ( المجتمع السعودي)
الشاب ماله حل غير أمه وأبوه ، والبنت مالها حل غير إنها تتعرف على هالشاب
بعد الملكة وكما هو بالمثل ، بس برضو ، كل واحد فيهم لو كان صادق
مع الطرف الآخر بأيام الملكة ، ماكان عرفنا شيء إسمه ( طلاق )
بعد ما يتزوجوا وكل واحد يكشف شخصية الثاني..!!
راح أنزل موضوع كتبته منذ زمن بخصوص هالموضوع
لنه موضوع هام جداً ، ومنذ زمن أفكر فيه ومالقيت له حل..!!
أستاذي البعد الخامس
أشكر لك صراحتك بإبداء رأيك بكل شفافية
كما عهدتك داااائماً
احترامي لشخصك الراقي ،،
