بعد السلام والتحية
شركة زين
الشركة اللي جميعنا ينتضر بداية ظهورها
راح تتأخر بتقديم خدماتها
مع العلم انهم قالوا انها راح تبدأ بداية 2008
أكيد راح تسألون ليه راح تتأخر؟
أنا أقولكم
لقد قامت شركة (( ركيزة )) طبعاً هي اللي متكفلة بتدريب
شبابنا
بطرد مجموعة من الموظفين المتدربين حالياً ولهم مايقارب
4 شهور والسبب انهم ماحصلوا الدرجات المطلوبة وقت
الاختبارات
وللمعلومية ولد عمي (( فهد )) درجاته كامله في الاختبار
فلما وصل عندهم قالهم ليه طردتونا قالوا هذا بأمر من
الشركة نفسها (( زين ))
طيب انا درجاتي كاملة وش المشكلة فيني قالوا حنا مالنا
دخل
طبعاً كل الكلام هذا قاله واحد لبناني بشتغل عندهم
المشكلة وقتها كان يجيه عروض من مجموعة شركات
ويرفض
تدرون ليه كل هذا لعيون شركة زين يبغى يخدمهم ويقدم
خدماتهم للناس
لكن هم ماقدرو شبابنا وافصلوهم
طبعاً كل الكلام هذا صاير اليوم 23-4-2008م
فصلوا مايقارب 100 شخص
وازيدكم من الشعر بيت بعد ما استلم حقوقه المالية بشيك
ورجع للديرة اللي هو جاي منها راح لبنك سامبا عشان
يصرف الشيك ويتفاجأ ان الموضف يقوله الاسم غير مطابق
للي بالبطاقة الشخصيه يعني غلطين باسمه يوم كتبوا الشيك
دق عليهم وقالهم انكم غلطتوا باسمي اللي كتبتوه بالشيك
قالوا ارجع ونستبدله قالهم انا رجعت لديرتي كيف ارجعلكم
قالوا مافيه حل الا انك انت اللي تجي تستلمه بنفسك
فقالهم طيب ابغى تعويض حق مشوار الطريق
فقالوله ببروده راح نقهويك انشا الله اول ماتجي
فقالهم انا ابغى تعويض مادي يعني فلوس بنزين قالوا مانقدر
اللي نقدر عليه اننا نقهويك وبس
اعذروني على الاطاله لكن الصراحه شي يقهر
وتقولون ليه شبابنا مايفضلون القطاع الخاص
عرفتوا ليه الحين مايرغبون القطاع هذا