[]
اقتباس:
المشاركة الأصلية كتبت بواسطة دنياي حلم
ياخي امزح معاك والله يجزاك خير انت وخويك  |
يالغالي
حنا المفروض ما يهمنا كلام الناس في أي وظيفة نتقدم لها لابد إننا نتعلم كيف نتوكل على الله حق توكله .. صدقني إن قلت لك حنا ننقهر و نتضايق لما نعرف إن فيه واسطات لناس ما يستحقون هالوظيفة ولا هم اهل لهالوظيفة لكن لابد إننا نتعلم كيفية التوكل على الله حق توكله
بأقولك على قصة يا صاحبي قصة و الله تعالى أعلم ،،، هذا يالغالي يقولك فيه واحد تقدم للطيران الملكي " سلاح الطيران الجوي الملكي السعودي " و تعرف إن هالتقديم إختباراته صعبه جداً لأن قيمة الطيارة غاااااااااااالية بالملايين و ما أحد يقبل فيها إلا عن جدارة ... المهم سمع واحد عنها و عرف إن يبغالها شهادات و إنجليزي و مدري وش و قال لأمه " يمه بكرا بأقدم لها تكفين دعواتك " دعت له و قالت له صلي في جوف الليل و أدعي رب العالمين " و فعلاً قام في الليل و توضأ و صلى و دعى رب العالمين من قلبه و بكل صدق و إخلاص لين ذرفت دموعه .... الشاب هذا لما أذن الفجر راح للمسجد و صلى الفجر و بعدها راح لمقر التقديم ... و فعلاً أنتظر في الصف لين جاء دوره ..
لما اخذوا ملفه ناظروا فيه و قروا اسمه رحبوا فيه و جلسوه و أخذوا ملفه و خلصوله أوراقه من دون ما يسوي شيء ما غير إنه جالس ... هو أستغرب و بعد كذا بعد ما خلص من الإجراءات و كل شيء خبروه عن موعد الدورة " ألف مبروك تم الترشيح للدورة " ... عاد هو ما صدق و قال الحمدلله و خرج .... و بعد دقايق إلا ويجي واحد بعد مالناس قدمت و أنتهت متشخص و متظبط و كاشخ يبغى يتقدم للوظيفة لما اعطاهم الملف و قروا أسمه لقوا إن إسمه مماثل و مشابه لأسم هذاك اللي وافقوا عليه لكنهم أكتفوا و أنتهى التقديم و كان هذا اللي توه جاء هو اللي متوصي عليه لأنه جاء بواسطه و عشان كذا جاء متأخر لكن الله أراد إن هذا اللي يقبلونه و هذا يرفضونه برغم إن هذا اللي متوصي عليه .... شفت كيف من يتوكل على الله الله ما يخيبه
من توكل على الله ما خاب أبد ... من توكل على الله كفاه .. من يتوكل على الله فهو حسبه و نعم الوكيل
و على فكرا ترى غلط إننا نحكم على دائرة حكومية بالكامل و نقول هذول فيهم و هذول يخطيهم أو إننا نتكلم على شعب بكامله أو نتكلم على عائلة أو قبيلة باكاملها