الف مبروك للمؤهلين
ولغير المؤهلين ان شاءالله نبارك لكم عما قريب تتأهلون ونفرح سوا

انا الحمد لله طلع لي مؤهل
تاريخ التحقق كان 23صفر1433ه
ولسى ماانصرف لي شي

ابغى اضيف معلومه بسيطه للي يبغون يحدثون بياناتهم
ومايعرفون للتحديث


طبعا تفتحون برنامج حافز وتروحون لإكمال البيانات
وتتأكدون ان كل شي تمام ومضبوط الين توصلون
لصفحة بيانات الدخل
طبعا كل الخانات مسجلين فيها صفر
اختاروا اي خانه تبغون مثلا المخصصات المالية التي يحصل عليها المتقدم من المخصصات والقواعد في وزارة المالية
حطوا قدامها صفرين 00 بدال ماهو صفر اول
هل انت متأكد من البيانات المدخله حطو نعم
وحطوا حفظ
بكذا انتم حدثتوا البيانات

المعلومه ذي اخذتها من موظفه في برنامج حافز اتصل عليها واستفسرت وقالتلي سوي كذا
والحمدلله زبطت معايا
لأن اول كان اسمي لايزال مدرجا في وزارة التربية والتعليم باني طالبه
والحمد لله دحين عديت 6شهور فبالتالي انا متخرجه وشروطي للاستحقاق مكتمله اللهم لك الحمد


طبعا التحديث يكون كل اسبوع مره
والله يوفق الجميع واللي استفاد ماعليه امر يدعيلي