السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين

مساكم الخير حبايبي حبيت اقولكم وش سويت

اليوم رحت للمقابلة بأمن المنشاة بالرياض دخلت أنا بدري (( أول ماتوصل للبوابة يفتشك لاعسكري يقول الجوالات ممنوعه والدخان ممنوع بعدين تتدخل
ثانيا فيه ثلاث عساكر جالسين عالطاولة معهم كشوفات اللي فيها ارقام البطاقات والطلب علشان يتاكدون موعدك اليوم ولا لا يطابقون البطاقه عالكشف بعدين يظلل اسمك ويقول اخذ رقم وادخل تمسك سرى
ثالثا يجي عسكري يقولكم كل واحد يطلع طلب الالتحاق مع بطاقة الاحوال مع الصور الشمسيه اذا طلعتوها راح يمر على كل واحد ههههههههه بس لازم تتحملون نفسية العسكري يمر على كل واحد ويطالع وجه المتقدم والبطاقة
رابعا راح يمشونك عالوزن والطول بالترتيب على حسب الرقم اللي اخذته طبعا يقول اللي عليه جزمه يفسخ الجزمه والشراب وصفط البنطلون من تحت بعدين تروح تقيس الوزن والطول بعدين يكتب الموظف ولك ووزنك بالاستمارة ويقولك روح ختم اذا رحت تختم الموظف عنده جدول حق الوزن اذا زايد وزنك مرره او نااقص مرره قال نتعذر يالغالي ومع السلامه اذا ختم وقال لائق ترووح للتدقيق يدققون بالشهادات وكل اوراقك ويقولك خلاص توكل على الله ))


انا ناقص وزني 3 كجم ختم لي قال لائق لاكنه حط سهم على جنب كتب ناقص 3كجم لاكن قالي توعدنا اذا جيت ان شاء الله وصرت مقبول نهائي تزيد 3كجم قلت ابشروا باذن الله قال لو جيت ووزنك مثل ماهو او زيدت بس كيلو او 2 كيلو تراك مرفوووض قلت لا ابشر قالي يالله روح للتدقيق وبعدين اللي بالتدقيق ماقالي وين تبي الفحص ولا شي دقق اوراقي وكل شي بعدين قال خلاص توكل على الله هل يعني كذا ان شاء الله الامور ماشيه تمام ولا لا ؟