اهلين بنات
ان شالله الجميع بأفضل حال والله يوفق اللي في بالها مشروع ويتحقق مشروعها واللي بدؤا بالمشروع ربي يسهل لهم ويوفقهم

حبيت اقولكم عن مشروعي الجميل والممتع والبسيط البيتوتي :D
طبعا انا بديت بالمشروع والحمدالله بدا يكبر معي وفيه خطه مستقبليه اني افتتح محل خاص فيني
مشروعي ببساطه الطباعة على الاكواب والصحون والبازل وهنا موضوع لي
https://www.btalah.com/t337995.html

البدايه كانت صعبه لأن الاجهزه مش متوفره هنا وبالغالب اسعارها غاليه بس الحمدالله اشتريت جميع متطلباته
واي وحده حابه تدخل هالمجال راح اساعدها بكل المعلومات اللي اعرفه لاني عانيت كثير وصادفتني مشاكل كثيره ولا لقيت اللي يساعدني بس الحمدالله تم تجاوزها بنجاح
هالمجال بحره واسع وفيه افكار كثيره طبعا يمكن تحسون ان دخله مو ممتاز بس اعتبره معقول جدا واسعاره في متناول الجميع والربح بيكون على المدى البعيد اذا صار الطلب بالكميات الكبيره

اللي ابي اقوله عدم الاستسلام نهائيا لأن اي فكرة مشروع لازم يقابله بعض الفشل بس الفشل يعتبر تمهيد لتصحيح الاخطاء في تنفيذ المشروع
برضو شغله مهمه جدا في شغلتي بالتحديد اكتشفت ان فيه بنات كثير جربوها وفشلو فيها وصرفو كل الاجهزه تبعهم
والسبب لانهم ماعرفو يشتغلون علي هالاجهزه طبعا بالاخير خسروا لان الاجهزه يبيعونه بنص السعر اللي شرته
فالافضل السعي بالمحاوله مرة مرتين 3 مرات وعدم اليأس
اتكلم من تجربه يابنات قعدت تقريبا 3 شهور فقط وانا مابين فشل وفشل بس لاني حبيت هالشغله ومتيقنه جدا من نجاحها سعيت بكل مافيني اني لازم انجح وبعد بحث وجهد جهيد عرفت كل اخطائي وتعلمت والأن الحمدالله شغلي ماشي وفيه طلب عليه خصوصا بالمناسبات بالاعياد مثلا اطلع فوق الالفين ريال

حبيت اسجل لكم تجربتي في مشروعي الممتع

واي استفسار حاضره في هالمجال