اقتباس:
المشاركة الأصلية كتبت بواسطة زيزووم
صقر الطواري يعطيك العافيه وماقصرت بس ابسالك انا اعرف قايد سريه بطواري الرياض وانا ان شاء الله بقدم علئ منطقه القصيم لو اذكر اسمه عندهم يفيدني بشي لاني مكلم ولده وولده بمصر يدرس <<<حظ اقشر ياليت تفيدني تكفى جتني حاله نفسيه مافيه تقديم قدمت عليه وانقبلت مع ان طولي 179
|
الله يعأفيك ..
يااخوي اذا تعرف اللي بالريأض روح وتعنى لـ الرياض وقدم من هنآك وترا { قايد سرية } وآسطته قويه اذا هو يعرفك وتقبلك ..
وش دخل القصيم يعني بتروح لـ القصيم وتقول اعرف فلان بالرياض ؟؟ صدقني ماتستفيد شي وبيضحكون عليك بعد يقولون وش دخل امنآ فيه كل واحد لـمركزه وتدريبه
وبعدين ماشاءالله تبارك الله طولك { 179 سم } حلو والله يعني بتدخل بالراحه اذا عندك شوية واسطه بس ..
شوف اسمعها مني وانا اخوك روح كلم خويك اللي بمصر وخله يكلم ابوه ويعطيك رقمه وتتفق معاه وتجي لـ الرياض وتقدم وان شاءالله امورك تساهيل .. ولآتجلس تنتظر وظيفتك تجيك روح انت دورها لو هي ب اخر الدنيآ صدقني ترآ الطوارئ كلن يتمنآها
وبعدين اذا صرت انت ب الرياض وتدريبك ب الرياض انت تطلب نقل لـ القصيم واذا تبي نقل بسرعه تكلم نفس الرجآل ذا وينقلك لـ القصيم على ماتخرج من الدوره
والله يوفقك ويسهل امورك ..
