خخخ الله يوفقكم جميعا أنا واثقة أن جميع المتقدمين هنا من المتفوقين والمتفوقات الله يكتب لنا إلي فيه الخير مع إن جامعة الباحه مابها خير حسبي الله عليهم دنيا وآخرة ..

من الآخر مع إني ماودي أحبطكم جامعة الباحه أكبر مؤسسة تعمل بنظام الواسطة وبالنسبة للعدد كل إللي يبغونه واحد اثنين بالكثير لأن السنة إلي فاتت قالوا مافيه احتياج وهالسنه كمان لأني بنفسي كلمت وكيل الدراسات العليا ورجعوا حاليا أعلنوا الإعلان مجرد تحصيل حاصل فقط كي يستطيع المستفيد أن يوظف قريبه أو قريبته ..

يا جماعة الخير أنا ما أحب أتبلى أحد أو أفتري عليه كلامي من الواقع إلي أعيشه وإلي شفته قدامي ويشهد ربي علّي إني أعلم الكثير عن الفساد في هذه الجامعه ..

للعلم أنا مثلكم من المتقدمين للوظيفة تخرجت من قسم علمي مرغوب وبمرتبة الشرف الأولى ونسبة أعلى مما يتوقع الجميع هنا لكن ع قولة أحد المسؤولين بالجامعة قدمي بالمحافظات ولا تقدمين بمركز الباحه لأن مالك أمل واحمدي ربك إذا قبلوك !!!! طبعا عشان ما أكون أكلت الكلام وأعطيتكم معلومات ناقصه انا تربوية ومن الآخر هم مايبغون تربويات يبغون جامعي/ ـة غير تربويـ/ ـة هذا إذا كان لهـ / ـا مكان لا يزال شاغرا بعد أن تشغل الوظائف بذوي الواسطات ..

بالنسبة للي يسأل عن اختبار تحريري أكيد فيه اختبار تحريري وأما إلي مارضي الموقع يعدل لها تحاول تدخل بمتصفح قوقل كروم مع العلم إن الخلل من موقع الجامعه وإلي من يوم أعرف نفسي وهو فااااااااشل بالكاد يظهر بعض الترهات لا وانتوا مالحقتم ع بداياته كان فيه خلل بشهادة الأمان ويدخل فيروسات ع الكمبيوتر احمدوا ربكم ذا بعد التعديل ..

اللهم لا تجعلني بحاجه لأحد من خلقك ولا تكلني لغيرك ياعظيم واكتب لي الخير أينما كان وانا بما تقضيه راضية راضية راضية ياربي ..