8 8 8 اذكر يوم كنت بالروضة (روضة اطفال بريدة) اللي يعرفها يرفع يده ورا أسم روضتس تسذا روضة أطفال بريده ؟؟ أنا روضتي الثالثه أبد جنب ابتدائيتي 25 ورا السجن العام تصدقين هالروضة عاصرتن و عاصرت أخوتي هذاهم رجال وعاصرت أختي القعده هذاه بالثانوي وعاصرت عيال أخوتي ماشاء الله على هالروضه سقى الله أيام المديرة / موضي البديوي الله يطول بعمره على الطاعه والله يرحم المستخدمه أم عبدالرحمن راعية الديرم والمعلمه الجوهره اللي عطت أخوتي التوائم طراق إلين الحين يتذكرونه إيه أعرفه المنتزه موب بعيد عنا بيننا وبينكم الله العالم الملعب أولا << حريم مسكن خط واخذ الشراب والحمد لله ما عاد ضربني .. يوم مره كنا طالعين مع اهلي للبر قالت امي وين شرّابك .. قلت نسيتهم بالروضة < مدري ليه ما علمتها بالحقيقة هقوتس محتفظ بشرابتس إلين الحين ؟؟ سقى الله أيام الولد المصري راعي البطاطس حي وإلا ميت يازين ريحة بطاطستهم أمه تقليه وتكتمه بقوطي يوم يفتحه عذاب إيه تذكرت وأنا بالابتدائي وحدة من البنات هاكتن علي تقول أنها تقدر تفصل بين الماء وبين الشاهي يعني أخلي الماء فوق والشاهي الحمر تحت أنا قلت وشلون قالت جيبي كاس ولبتون وماء وسكر معتس من بيتكم و إذا جت الطلعه قوه نروح ورا المدرسة ونسوي التجربة قلت قدام وجبت من بيتنا موية صحة و كاس قزاز وشوي سكر و خيط لبتون وحاطتهن بكيس ومتعنقطه بهن يوم جت الطلعه نجي ورا وتسوي التجربه صدز صار الماء فوق والشاهي الحمر تحت حسيت أننا سوينا إنجاز الله يخلف