السلام عليكم ورحمة الله وبركاته
ياجماعة بخش في الموضوع مباشرة
أول يوم في محرم الماضي اتصلوا عليه مركز طاقات للتوظيف ورحتلهم على أساس أعبي بياناتي
وأقولهم شروطي في الوظيفة المرغوبة وكان شرطي مابغى اختلاط والراتب لايقل عن 5 آلاف ريال طبعا من أبسط حقوقي ..
وكانت الموظفة تقول انهم بيقدمو خدمة المساعدة للبحث عن الوظيفة خلال 4 أشهر فقط لكل عاطلة ملتحقة بالمركز وسألتها لو افترضنا ماحصلت وظيفة مناسبة خلال 4 شهور ايش يصير؟ ارتبكت وقالت معناته انتي ماتبغي تتوظفي!!!
المهم طول الفترة اللي فاتت والمسؤولة الخاصة فيني تجيبلي وظايف اختلاط او برواتب اقل من 3 آلاف وتحاول تزن وتزن على راسي أوافق عليها وانا أرفض بحجة انها تخالف شروطي
وقبل كم يوم امتحنت اهلي اتصالات وقروشه كل صباح تصحيني من عز نومي عشان وظيفة خايسه زي وجهها وتبغاني أرضخ لها وأوافق .. رديت عليها وشياطيني حاضرين قالت فيه وظيفة في مدرسة براتب 3 آلاف
قلت اش الفايدة؟ الف ريال للسواق وألفين الراتب مو أنا اخذها وانا جالسه في البيت من حافز.
قامت علت صوتها ونفخت فيني وقالت ياحبيبتي باقيلي معاكي من المهله 9 أسابيع وأنا ما أظمنلك هل بيستمر لك حافز ولالا؟
انا صار شكلي كذا 
وقلت ايش قصدك؟
قالت لازم تتوظفي خلال هذه الاسابيع.
قلت وأنا ماقلت شئ أبغى أتوظف بس بشروطي.
قالت والله يافلانه انتي تطلبي كثير..
ايش رايكم فيها؟
تتوقعو فعلا اللي مايتوظف خلال 4 شهور من تسجيله في مركز طاقات يعتبر غير جاد في البحث عن وظيفة وبالتالي لايستحق استمراريه صرف الاعانه له؟
طمنوني الله يطمنكم