اقتباس:
المشاركة الأصلية كتبت بواسطة 911 س ن ع
السـلام عليـكم ، ، صباح الورد والياسمين للجميـع ،،
بدايــة : الساكت عن الحـق شيطان اخرس ،،
اخـوكـم عـاطل من ثلاث سنوات تقريبـاً المهم انا من اللي قدموا على المباحث في آخر سنتين واشوف الشباب ماقصروا في تقديم بعض المعلومات الخاصة بالتقديم وقلت خلني اقول اللي حصلي في هالتقديمات الآخيـرة لتعم الفائدة للجميع ، ،
طبعاً انا قدمت عليهم حضوريـاً يعني ماكان في تقديم عن طريق النت كان إعلان في الجريدة ويوضح للمتقدمين عن كل مدينة تدريب في كل منطقه ،،
أنا من اهل الـرياض ومكان التقديم طبعـاً في الغنامية في الحاير ،،
ماطول عليكم ادخل في الموضوع ،، واذكر اهم النقاط اللي تصير للمتقدم ، ،
*اول ماتحضر يدققون فلي ملقك وفي اوراقك ويتأكدون من صحت بياناتك ،، ونسبة الثانويه ،،
*ترووح عند احد الموظفين لتبرز هويتك (بطاقة الأحوال المدنية) ويناظر في خشتك ويتأكد من تطابق الصور مكشوفة الرأس معها ،،
*يدبس صورتك على ورقة طلب فيها جدول للقياس الطول والوزن والنظـر وتسجل فيها اسمك ،،
* بعدها على طوول ترووح بالورقة هاذي وتكون اول ورقة في ملقك يعني تشبكها في ملفك ترووح لموظف يقوس طولك ووزنك ،، وهنا اصعب شيء في الموضوع ( ماودي احطمكم لكن لازم اعلمكم بكل شيء ) انا طبعاً اول مره رحت بواسطة وكان معي ثلاثة اشخاص كلهم تجاوزا الطول وانا رسبت فيه ، والمرة الثانيه بدون واسطة ونفس الحكايه ، لان في الطووول في تدقيق مشدد بشكل ماتتصورونه واللي قد قدم عليهم يعرف كلامي (قدر الله وماشاء فعل )،،
*إذا تعديت الطول ونجحت فيه تنتقل لموظف يسوي لك مقابلة شخصية سريعه ويسألك وين يعمل والدك ومن هالكلام الروتيني في المقابلات الشخصيه ،،
*وبعدها تسوي كشف طبي في مستشفى قوى الأمن ،
* بعدها تفرز الأرقـام وتشتغل الواسطات والفزعـات وإذا قبلوكم إن شاء لله يخبرونكم بموعد الدورة وغالبـاً تكون بعد شهر شوال ،،
للمعـلوميــة احــب اعيــد واكرر أن هالنقــاط اللي ذكرتهــا في أخر سنتين ويمكـن وإن شــاء لله تغيــر الوضع للأحسـن ، والكـلام اللي ذكــرتهــا بعــد الطـول والـوزن هـذا من اللي سمعتـة من أخــوياي اللي كملوا وليـس مني لأني خرجــت من بعــد الطول والوزن لعــدم نجـاحي فيه ،
وهــذا كل اللي عنــدي وحبيت اخبركم فيه وإذا كان في معلومة قد اخطيت فيها او ماذكرتها فأرجوا منكم تسامحوني وتوضحون لي ولغيـري هالنقطــة لأن الخطـاء وارد ، وأتمنـى لكم التوفيق .
وأخيــرا اســأل الله العلــي العطيــم ان يوفقنــي وإيـاكم وكل عاطل عن العمل بـالرزق الذي يتمنــاه يــاحي ياقيــوم |
كفيت ووفيت يالغالي..ولو انك جبتني شمااال بكلامك هذا لكن لاحوووووول ولاقوه الله ييسر بس ويساعد ماقول الا الله يخارجنا ويجزاك خير ويوفق الجميع
تحياااتي