اقتباس:
المشاركة الأصلية كتبت بواسطة همس الترحال
عوووووووافي ياقلبو وتسلم دياتكـــــــــــ  ــــــــــــــــــــــــــــ ولاهنتي الطريقة ؟؟؟ |
تفضلي ياقمر
اسلقي الدجاج وحطي معه مكعب او مكعبين ماجي
بعد ما ينسلق الدجاج طلعيه وتكونين غسلتي الرزغسلا مبرحا خخخخخخخخخخ
حطيه على مرقة الدجاج
وخليه يطبخ ليين يتقطع بطنه
كل شوي زودي المااء عليه
لين تحسين حبته انهرست عقبها وقبل ما ينشف الرز يعني خلي فيه شوي ماااء تكونيين سويتي كاس كبير حليب
صبيه عالرز مع التحريك المستمر لاتوقفين تحريك بالملعقه الخشب حتى لا يلذع
خليه يطبخ على نار هاديه لمدة خمس دقائق بس
وطفي النار عنه
وخليه يرتاح تقريبا خمس دقايق ثانيه حتى يشرب الحليب زين
طبعا حنا نسينا موضوع الدجاج
اثناء ما الرز يطبخ تبلي الدجاج المسلوق بهالتتبيله الرائعه
ثلاث فصوص ثوم مع نص علبه زبادي وملح وكمون وفلفل اسود وربع فنجان زيت
صبيها عالدجاج ودخليه الفرن لين يحمر وجهه وعقبها قدميه مع الارز
وصبي على وجه الارز شوي سمن بلدي او زبده على حسب الرغبه
ملاحظه
انا استخدم ارز ابو بنت من واقع تجربه هو افضل رز للسليق