السلام عليكم ورحمة الله وبركاته

بسم الله الرحمن الرحيم

اخواني بدخل بالموضوع على طول



انا صراحه محتاااار لأبعد درجه وانتم املي


انا مقدم على قوات الامن الخاصه من 7 اشهر وقبل يومين متصلين علي وقالو وين تبي دورتك << يعني مقبول نهائي بأذن الله والدوره اتوقع في 15/3

وعندي واسطه في وزاره الماليه كلمته في شهر رمضان اللي فات وعطيته ملفي ...
واليوم اتصل علي قال وين تبي تتعين اخترت الغربيه انا وقال اي وقت كلمني عشان احط ملفك << على بند الاجور طبعاً

وانا والله اني محتار واحد ينصحني بالعسكريه لان رواتبها كويسه وتقدر تكون حياتك من بدري وتشتري بيت وسياره وتاخذ قرض وتتيسر امورك بدري ... والثاني يقول المدنيه راحه في العمل وراحه نفسيه صحيح ان الراتب قليل في البدايه بس التقاعد كامل


وانا شخص ابي اكون حياتي من بدري وابي ادخل في مشاريع صغيره بأذن الله ومخي تجاري

انا ابيكم تفيدوني اللي يعرف احد في وزاره الماليه وكيف رواتب اللي على بند الاجور وطبيعه العمل

واللي يعرف احد في قوات الامن الخاصه وكيف الرواتب وكيف طبيعه العمل لرتبه جندي اول

والموضوع مفتوح للنقاااش والتصويت وابداء الرأي

والله يسهل اموركم جميعاً