هلا بك اخوي العالم العربي

انا واحد من موظفين بنك الراجحي

بحب اعطيك نبذه عن البنك ولك الخيار

بالنسبة لي انا قبل اتوظف كنت اتمنى باي وظيفه كنت ومهما كانت عدد ساعات العمل
ولله الحمد الله وفقني وتوظفت في مصرف الراجحي

لكن للاسف الامل خاب وطموحاتي وامالي تلاشت

البنك يا سيدي ماله اي مميزات ابد اللهم الراتبين الاساسيين في رمضان وفي مهاية السنه
ادارة الراجحي سيئه جدا جدا جدا
ارباح الراجحي للربع الاول والربع الثاني والربع الثالث والربع الرابع والربح للعام بالمليارات ما شاء الله تبارك الله
الموظف ياكل تبن ويسكت
من جد اكلمك
مظطهد نفسيا
ظلم للموظفين
رواتب اسوء من السيئ -- الراتب الاساسي 4011 ريال ومع البدلات يا دوب تلحق على 5900

سياسة الراجحي ضد الموظف في كل شي واهم شي العميل
خله يغلط عليك ويسبك وانت ساكت ولا حرف
وان تكلمت سوو لك مشكله
انظمة البنك وسياستة الاداريه ضد الموظفين 100%
والدليل التعليمات اليومية الي تضيق على الموظف حتى لا يعدل الراتب نهاية السنه او ياخذ مكافئه

تكد وتكد والاخر مالك شي

اي غلطه تغلطها محاسب فيها

بغض النظر عن البنوك الثانية
الي نسمع كل يوم زياده بدل صرافه للموظفين 1500 وحنا لسى على 500 ريال
بونس نهاية السنه توصل الى 20 و 30 الف وحنا يا دول 5000

من جد لو تتوظف بعد سنه راح يصيبك احباط وحاس انك تدف نفسك على الدوام
انا الان والله العظيم اني ادور اي وظيفه سواء كانت بند اجور او عسكريه

بالعربي مليت من الراجحي
وما اقول غير حسبي الله ونعم الوكيل
الموظفين هم من حققو لك ارباحك والمليارات
على مدار 6 سنوات والراجحي في المركز الاول على بنوك الخليج

عموما الله يوفقك ويكتب لك الي فيه الخير
واهم شيء الاستخارة قبل الاستشاره

عموما هذا مجرد راي شخصي
ممكن تكون مرتاح بعد ما تتوظف وتعجبك.. الامور الله اعلم

لك ودي ....