السلام عليكم ورحمة الله وبركاته
اخواني اهل الخير انا بقولكم قصة حصلت لي
والله يحرمني التوفيق ان زليت فيها
اخواني انا كنت عاطل واتمنى الوظيف لان حالتنا الماديه ضعيفه مره
وفجاه قدمت على معهد طيران القوات البريه بالقصيم واتوقع كلكم تعرفونه
المهم تم قبولي فيها وفرحت فرح كبير لانني اتمنى الوظيفه
المهم دخلت وقبلوني وباشرت في الدوره واستمريت فيها تقريبآ سنه واربع شهور بالدوره
يعني لو اني في امن العام او اي قطاع ثاني كان الحين متزوج وعندي بيت <<الحمد لله على كل حال
المهم انام متأخر خصم ... اصحى متأخر خصم درجات ... ادخل المسجد مع الصلاه برضو خصم درجات ... اي خطوه مهما كانت خصم <<ابن آدم مايخطي ..؟ مافيه جزآء غير الدرجات .. ؟
طبعآ يجازون وجزاواتهم قووويه .. لكن الجزوات بعد الدرجات طبعآ ...
المهم جاء وقت رمضان وحصل معي ظرف والله العظيم وغبت فترة يوم ونصف او يمين بالضبط
ولا دريت الا وقرار فصلي نازل وموقع وجاهز <<عادي يفصلوني مو مشكله
المصيبه والمشكله ان حملوني مبلغ وقدره 13840ريال سعودي(ثلاثة عشر وثمان مائه واربعون ريال)
ممكن عند الناس الثانيه بسيطه لكن عندي قسم بالله احفر عشان اجيب مثل هذا المبلغ
تكفون انا طالبكم الي عنده حل لـ هـ المشكله يفزعلي
برقيه ارسلت ولا حصلت لها خبر وارسلت مره ثانيه وكل ما اتصل وابي اتابعها الي يصرفني والي يقول مو عندي والي يقول حنا نتدق عليك << قسم بالله ضيعتها مدري وين راحت
المهم خفت ارسل برقيه ثالثه قلت يتوقعون اني اتلاعب او كذا
المبلغ هذا لازم اسدده بمعنى... مهنتي بالاحوال (طالب عسكري) ما اقدر اتوظف ولا اقدم على عمال او كذا (وانتم عارفين حقوق العسكر بالسعوديه)
تكفون يا اهل الخير دلوني على شي
ابي احد عنده فايده او شي ..
انا طالبكم الي عنده شي لايبخل علي يقولي
او يساعدني
اللهم فرج همي يرب ...
وفرج كربة من يفرج كربتي يرب ..