السلام عليكم
وكيف الحال ؟ للجميع
أنا دبلوم حاسب من هالكلية وبصراحة متحسفه كثر شعر راسي ع أني دخلتها
ياليتني دخلت تمرض أحسن لي وربي للحين مالقيت وظيفة ع شهادتي
واحس مافي فرق بينها وبين الثانويه
كل ما اروح مكان يقولي لو كنتي بكلويس أحسن لتس
وجالسة أفكر كيف اطور شهادتي ويوم من الايام وتدق علي صديقتي
وتقول لي ماتدري أنو يبون يجسروا الدبلومات حقتنا
أنا بصراحة بغيت اطير من الفرحة
أوك وبعدها بكم لقيت خبر في موقع مدري وين أنو فيه تجسير في جامعة الملك سعود
وأنا اروح لهم بسرعه وادخل عالعميدة حقيتهم بس ايش عميده وربي عسل
وقلت لها سمعت أنو عندكم تجسير للدبلومات الحاسب الا من كلية المجنمع
عاد جلست تضحك وقالت لي من هو الا قال لك قلت لها سمعت هالخبر
وقالت لي حبيبتي هنا للحين ندرس الفكره بس ماهو لكم لدبلومات الصحية
يمه بعدها تحطمت وبقوه قلت ربي يعوض علينا
وبعدها بكم يوم وتدق علي صديقتي وقالت لي روحي لـ جامعة اليمامة في تجسير للدبلومات الحاسب
بس بفلوس قالت لها ماهي مشكلة ادفع بس اهم شي يصير معي شهادة زي الناس
وأنا ماصدقت خبر وع طول لي هالجامعة واسالهم ولقيت موظفة وقالت لي مافي شي من هالكلام
وبعدها انقطع الامل عندي من التجسير
وجاري التفكير في الدارسه عن بعد يمكن يصير معي شهادة زي الناس
وأحسن ما أنتظر وظايف حافز .
بس أن شاء الله يكون لنا تجسير وتصير شهاتنا زي الناس ..
وبالتوفيق للجميع ..
ملاحظة : قصة حياتها مو شهادة
ممكن يكون من وراء هالقصة أمل لشخص ما في هذي الحياة