انا ابي اكتب قصتي مع القبول على السريع ..
كان موعدي يوم الاربعاء 2-3-1433 هـ بمركز الرياض
ذهبت الى المركز الساعة 8 الصباح اول ماجيت عند البوابة
تبرز ورقة الطلب للعسكري وتفتيش شخصي
وتدخل تلقى طاولة عليها اربعة اشخاص مهمتهم التحضير كل واحد عنده مجموعة اسماء على حسب الحروف
تروح للي عنده حرف اسمك ويظلل على اسمك ويقول روح للطاولة الرابعة وخذ رقم
تاخذ رقم وتروح لكراسي قبل باب الدخول
تلقى عسكري يتحقق من شخصيتك يناظر فيك ويناظر في بطااقتك
وجواره عسكري معه دباسة يدبس صور الطلاب بورقة الطلب ...
ويقول كل واحد يفسخ الجزمة ( اعزكم الله ) ويشمر عن اكمامه ويدخل مجموعة من الطلاب للوزن والطول
في مزانين او ميزانان كل واحد عنده ملازم اول يحسب الطول والوزن واحد يسجل على الاستماره
وقفت على الميزان وحط مقياس الطول وقال ريح نفسك شوي وضغط على راسي وسجل الطول 172 وانا طولي 175 .. 
بعدها تروح للختم لايق او غير لايق بالطول والوزن الاخضر لائق والاحمر غير لائق
اذا الختم احمر الوجه من الوجه ابيض في باب خلف الطاولة تطلع معه 
اذا اخضر تكمل وتروح لطاولة كبيرة يتحققون من الشهادة ويسالك عندك رخصة عمومي
ويسالك وين تبي الكشف الطبي ويسجل المنظقة على الاستمارة ويوقلك انتظر رسالة من الجوال
وطلعت من عندهم الساعة 8:25
هذا علمي وسلامتكم