اخوي سفير الورد انا ما أقولك كلامك خطأ انا والله على ما اقول شهيد ان الجامعة تسير مسارين مثلا وحده من الزميلات ماتدري وين الله حاطها في كانت تحضر المحاضرة حتى الملزمة ماتشتريها الا وقت الاختبار ما عمري شفتها تكتب ورى الدكتور بس تاخذ دفاترنا وتصور وفي الاخير تجيب اعلى الدرجات وبلسانها تقول أبوي كلم الدكتور الفلاني والحمد الله وتشوف نص الشعبه حامله الماده وفي الاخير تتخرج وتجلس بس سنه وحده في البيت وطبعا وظيفتها موجوده في الجامعه الحين هي إداريه في الجامعه من ثلاث سنوات تقريبا طبعا هذي ابوها يشتغل اداري ومسؤل عن قسم مهم بالجامعه وحط بنته بنفس القسم لكن تبع النساء طبعا والمسار الثاني في من زميلاتي ثلاث توظفوا على عقود في الجامعه لا واسطة ولاشي بعد ما تقدموا للوظائف الاداريه العام الماضي او اللذي قبله ما اذكر بالضبط اتصلوا عليهم الجامعه وقالوا بما أنكم جبتوا درجات زينه في الاختبار الوظيفي قبلناكم وهذا انا اللي اسأل الله ان يرزقنيه انا مش طماعه عادي حتى لو عقد بس اشتغل أحلل شهادتي وجلستي كم سنه في البيت

اساسا لو تشوف اسماء الاساتذه لازم تشوف اخوين او اب وبنته او اخ واخته

انت يا اخوي توكل على اللي خلقك واكثر من الاستغفار وتذكر فقلت استغفروا ربكم انه كان غفارا يرسل السماء عليكم مدرار ويمددكم بأموال وبنين ويجعل لكم جنات ويجعل لكم انهارا