اقتباس:
المشاركة الأصلية كتبت بواسطة دحومي سينا
 هلاهلاهلاهلاهلا بالغالي معلش بعد ماخصلت من امن المنشات رحت اتمشى على الكورنيش والاسواق
واللي حصل لي في امن المنشات
السلام عليكم ورحمة الله وبركاته
أول شيء الحضور بالزي الرياضي
احضار صورة شخصية واحدة فقط والاستمارة عشان يحطها في الاستمارة
والشهادة الاصلية او طبق الاصل
اول ماتدخل عند البوابة العسكري يفتشك يشوف عندك جوال ولا دخان ممنوع
بعدين تدقيق على الاوراق وتشوف حروف رح على حرفك بعدين يأشر على اسمك بالاصفر عشان يعرفون انك جيتهم ولاماجيتهم من قبل
بعدين تروح عند العسكري يشوف بطاقة الهوية ويجلس يطالـع فيك بعدين تدخل تجلس مع الشباب في المدرجات طبعا لان انت داخل في صالة لكرة القدم يقيسون الطول والوزن يحط حديده فوق راسك
وينادون بالصف كل شوي صف ينزل يقيس
وقاسو طولي ووزني طلع الوزن 74 والطول 167 ونص وقالي رخ صدرك لاني كنت احاول اطول نفسي شوي ولاعلي منه خليت صدري مثل ماهو
وشوي رحت حق اللي يحط لائق وغير لائق قبل مايمسك الورقة قلت له الله يخليك ناقص بس نص سانتي مشني الله يعطيك العافية وحط لي بالاحمر على طول غير لائق
انا لم يتم قبولي الطول طلـع 167 ونص وحاولت مع الضابط انه يمشيني وجلست فوق راسة وحاولت معه واترجاه ليتني ماترجيته ثم قال لاتكثر لي كلام في ناس زحمة وراك نبي نخلص بسرعه
قلت له نص بس طيب قالي ناس واجد مثلك مامشيناهم وحسيت انه نذل وماينفع الكلام معه وطلعت صراحة واحس اني شبه متحطم لان كل املي اني ادخل وواثق انهم بيقبلوني بس الطول طلع ناقص نص سانتي
هم ينقصون 2 سانتي عندهم الجهاز من وزارة الداخلية
كانو مشددين حيل الله يعينكم
لكن الحمدلله على كل حال ان شاء الله خيره وربي يوفقني ويوفق الجميـع يارب في أحسن الوظايف اللهم آمين يارب.,,
|
بصراحه شي يقهر استبعدو ناس كثير بسبب نص سانتي والله مشكله
الله يعوضك باللي احسن منها وان شاء الله انها خيرة
الله يستر موعدي اقترب يارب بعسير متساهلين..