ما حصل معي اليوم جينا حدود الساعه 7.40 استلمنا اوراق الفحص الطبي واخذنا الملفات وسلمونا ورقه فيها الطلبات هي نفس الطلبات الموجود في الدفتر الاخضر اللهم في زياده السجل الاكاديمي ولازم السجل الاكاديمي طبق الاصل ويكون معك بطاقة العايلة صورة منها والاساس طبعا ترتبها حسب مو موجود عندك في الورقة ثم ياخذونكم بسرا يدققون الاوراق ويسالك كم سنه وش تخصصك بعدها خلونا ننتظر الى الساعه 10 واخذ 10 مننا طبعا كل دفعه 10 تدخل عند اثنين ضباظ يدردشون معك وش اسمك وش اسم امك واقرا اي شي من القران ثم يعطونك الملف ويقولون لك خش على السديس طبعا السديس برضو يدردش معك شوي مثل يقولك ليه دخلت عسكري وش ابوك شغال فيه ومن هذا الكلام ويعطيك الملف يقولك سلمه لي جندي عند الباب بعدها يقولك الجندي تابع الموقع هذا كل الي حصل معي يعني ما يحتاج ترتبك كلها دردشة وسوالف المهم دعواتكم لي با القبول ولا تنسون السجل الاكاديمي طبق الاصل واساس بطاقة كرت العايلة وبتوفيق للجميع