المشاركة الأصلية كتبت بواسطة ليق

الله يسلمك , لله يجزاك خير , لا ما الظاهر اني بقدم معكم هالسنة , بقدم السنة الجاية ان شاء لله لان قبل شوي رحت للجامعة ومستقعد عميد القبول والتسجيل يقول : ماراح نعطيك افادة ولا خطاب ولا شي وبعيدين من قالك ان احنا بنوافق انك تنزل 23 هالترم و11 ساعة صيفي وتتخرج ..!<< كان العميد غابظني على التخرج
قلت طيب انا خريج ولازم تراعي ضروفي , المفروض انك تتساعد معي , موب تشد علي ! بالله عليك كم تبي انزل من ساعة , 6 ساعاات مثلا وسكت ما رد علي
وقلت : انا فيه الطلاب السنة الى راحت والى قبلها كلهم تخرجوا زي هالطريقة الى انا بسويها وبعدين انا تقديري جيدجدا ليه ووش المانع يوم انت ترفض
قال : انت ما راح نخرجك الترم الصيفي .. وقال بالحرف الواحد نبي نخرجك الترم الاول السنة الجاية ان شاء الله ... ماعندي غير هالكلام ,,, وحتى نفسه في خشمه
قلت ت لله يحيينا حياة طيبة ويجعلنا من الحيين الصالحين والله يكتب الى فيه الخير