اقتباس:
المشاركة الأصلية كتبت بواسطة عميد إعلامي
كيف وضع مدير جامعتكم..؟
تقدر توصل له..؟ اذا تقدر توصله رح وكلمه وقبلها ارسل له خطاب على كل الفضايح ذي...وارسل له ايميل..المهم يكون معك شي يثبت انك تواصلت معه عشان يحل المشكله..واذا ماتجاوب معك ارفق الاثباتات اللي معك او الشهود وارسلها لوزاره التعليم.. واذا ماتجاوبوا معك..فيه الف طريف غيرها ..لكن هذا حق من حقوقك اشلون مايعطونك..؟؟ انت ماطلبت منهم يزودونك بمعلومات الموظفين من اللي متزوج ومن اللي مطلق وحالتهم الاجتماعيه...انت طالب منهم مشهد لك.. ومن اتفه حق من حقوقك عليهم..تبي العلم..؟ دوس وتوكل على الله..(بالنظاام) وادبهم .. عشان يتربون مع اللي الضعوف اللي بعدكم..
-------------------------------هذا فيما يخص جامعتك-------------------------
وفيما يخص التقديم انت رتب امورك على انك تتخرج صيفي ووقت التقديم رح قدم كذا او كذا منت خسران شي..وحتى لو ماقبلوك شف لك وظيفه طقطق فيها سنه وبعدها قدم.. وماتدري يمكن يجيك شي افضل من الامنيه في هذا الوقت ويكتب لك ربي الرزق فيه..؟؟ المختصر المستوى ذا شد حيلك فيه للاخير خل معدلك يرتفع لاعلى حد تقدر توصله وحتى لو حصل انك تقدر تاخذ افاده يكون مكتوب فيها الوضع الاكاديمي خريج..وموفق بإذن الله ... لك مني أجمل تحية .
|
أسعد لله صباحكم بكل خير , اخوي عميد إعلامي بالنسبة لمدير الجامعة هذا من سابع المستحيلات ولا تنسى ان هالفكرة كانت فبالي ورحت لمكتب المدير قلت بنفسي يمكن تتصلح الامور , المهم رحت وقابلت السكرتير حق المدير وقلت انا ابغى المدير بموضوع خاص ..! انا ليش قلت هالكلام عشان اعطي أهمية للموضوع .. وقال طيب قلنا ووش عندك المدير ,ما تقدر تدخل عليه الا اذا كان الموضوع مهم مرره ..؟ قلت الموضوع مهم بس انتم دخلوني عليه وبتفاهم معه .. قال الموظف الثاني وين يابوي الدعوة لعب وحنا ووشوله موجودين هنا سكرتير له .. اول شي اهداء وقلنا ووش فيك ... شرحت لهم الموضوع كللللله وقال اسمح لنا المدير ما يقدر يقابلك على زي كذا لانها موب من اختصاصه, هذا من اختصاص كليتك وعمادة القبول والتسجيل والشؤؤن الخريجين ..
الخلاصة في الموضوع زي ما قال اخوي (( الضبياااني )) اكل العنب حبه حبه وما ندري ووش الخيره فيه , بلعكس يمكن جلوسي وتاخيري بالجامعة للسنة الجاية يكون فيه فال للخير ورفعه لمعدلي وتقديري.
وانا شاء الله انا راح اكون متواجد معكم بالمنتدي منها استفيد وافيد واسف ع الاطاله ...تحياتي لك ....