السلام عليكم سالفتي طويله بس ابي اختصرها لكم

انا مخلص الكلية التقنيه 1432/5/11 وجلست عاطل لين جاء تقديم الجامعه شهر 8 وقدمت على الجامعه مسوي دافور المهم انقبلت بالجامعه وجاء شهر عشره وبطلت قلت مابي الجامعه ابي افصل منها ورحت الجامعه وسويت اخلاء طرف ثم سحبت الشهاده بتاريخ 1432/10/13 وخلاص صرت عاطل لاجامعه ولا كليه
وسجلت في حافز والدفعه الاولى طلعت مؤهل والدفعه الثانيه غير مؤهل
والسبب تشير سجلات إحدى الجامعات/ الكليات إلى أن المتقدم طالب في جامعة/ كلية في المملكة
المهم انا قلت اكيد الجامعه ورحت الجامعه يوم الثلاثاء اللي طاف جيت عند القبول والتسجيل قلت ابي اشوف اسمي موجود عندكم ولا لا ؟ وشاف اسمي وطلعت ادرس عندهم قلت مو معقول انا ساحب من يوم بدت الدراسه بشهر 10 كيف تقوللي اني ادرس قاللي لا انت مسجل تدرس عندنا والترم الاول محسوب عليك وراسب في جميع المواد والمكافات تنزلك من يوم سجلت بس المكافات ماكنت ادري انها تنزلي وقاللي الحين اشوف موضوعك وطلعو ملخبطين ماسحبو اسمي من عندهم بس سلموني اوراقي وشهايدي شهر 10 وبس ثم قاللي مرني بكره شوف اسمك موجود في النظام ولا لا مو موجود وجيتهم من البكره ولقيتهم شايلين اسمي


اللي ابي اسال فيه انا سويت اعادة طلب لحافز لاني مو مؤهل والسبب من الجامعه حسبي الله عليهم هل تتوقعون اطلع مؤهل الشهر هذا ولا لا ؟ وإذا طلعت غير مؤهل متى تتوقعون اطلع مؤهل ؟؟؟؟
السؤال الثاني لو ابي اروح الجامعه اطالب بالمكافاه اللي حسبوها مع الترم الاول اللي رسبوني فيه تتوقعون يعطوني المكافاه

وانا اسف على الإطاله بس وش اسوي ماراح يفيدني غير انتم
تكفووووووووووون افيدوني