المشاركة الأصلية كتبت بواسطة مسترالعمودي

اول شيء عندي سؤال لك عشان اقدر افيدك ..
لما قدمت على الوظائف التعليمية ماكان في مجال لاختيار الوظائف غير التعليمية .. ؟؟
طبعا من المفروض انك تختار قبل اخر موعد للدخول للمفاضلة .. لانو مجرد التعديل بعد موعد المفاضلة يخلي المفاضلة تروح عليك وتدخل في المفاضلة القادمة .. وهذه هي نفس الغلطة اللي انا سويتها وقت المفاضلة الاولى حق المطابقة اللي راحت عليا لاني كنت جالس اعدل في بياناتي كل شويه .. بس بمجرد ماوقفت التعديل على طول الحمدالله تم قبولي وترشيحي ..
اول شيء عليكي يااختي .. انك تعرف مواعيد المفاضلات .. عشان ماتسوي تعديلات وتفوتي عليكي الفرصة للدخول في المفاضلة ..
هذا بالنسبة لسؤالك حول اختيار المجال التعليمي أو غير التعليمي ..
اما لسؤالك تفضلي تصيري ادارية ..
اولا : انتي الشهادة اللي تبغي تدخلي فيها المجال الاداري دبلوم .. وهم طبعا الحين يفاضلون الجامعيات وماشاء الله العدد كبير جدا .. لازم تخلي اخر اختيار لكي المجال غير التعليمي اذا تبغي تتوظفي بسرعه لان الدبلوم حيكون بعد الجامعيين ويمكن ماتكون فرصتهم قوية زي الجامعيين ..
حاولي تركزي على شهادتك الجامعية .. وتدخلي المفاضلة بيها .. وتخصصك تعليمي .. وترى ممكن يجيكي ادارية في المجال التعليمي .. لان اغلب الوظائف الحين ادارية ..
وفي النهاية هي مسالة رغبة تعتمد عليكي .. اذا تبغي تعدلي وتدخلي المجال غير التعليمي لازم تضحي بالمفاضلة الاولى .. بس صدقيني حتكون فرصة ترشيحك ضعيفة .. ماابغى اقلل معنوياتك بس ابغى اعطيكي شيء واقعي ولمصلحتك ..
الخلاصة مانصحك تعدلي الحين .. الين تطلع اسماء المرشحات للوظائف الادارية في المجال التعليمي لانو ممكن يكون اسمك بينها ..
وهذا الكلام لجميع البنات اللي وضعهم زي وضعك .. اتمنى الجميع يستفيد ..