اقتباس:
المشاركة الأصلية كتبت بواسطة مقتاح
لاوالله ياغالي 
الوالد يزكي عنا كلنا |
الزكاة المقصودة ليست زكاة الفطر (اللي قبل عيد الفطر)
زكاة المال تختلف
عموماً بأعطيك رأيي بكل صراحة وأتمنى ما تزعل مني
أنت زعلتني بكلمة (أخاف أخسرها)
الحين الفلوس اللي نجمعها أساساً ليش نجمعها ؟؟
الجواب من وجهة نظري (عشان نصرفها) أعتقد تتفق معي صح ؟؟
طيب
الناس اللي تاخذ أقساط هل أخذتها لمجرد الأخذ أو التخزين أو من أجل يصرفونها ويستمتعون بأيامهم ؟؟
أنا ما أقصد الناس اللي ياخذون الاقساط لأشياء ليست مهمة أقسد الناس اللي تقسط سيارة أو بيت أو ياخذ قرض من أجل الزواج ..الخ
مع احترامي لك واضح أنك ممسك شوي وخايف تخسر أي مبلغ في أي شي (في تجارة أو سيارة أو أو ...)
وبطريقتك هذي بدل ما تجيب الفلوس لك المتعة بتجيب الشقاء وبعد الموت (الله يطول بعمرك على الطاعة) بيتمتع غيرك بفلوسك
أنصحك أن تتشجع بصرفها في شيء مفيد (مشروع أو سيارة أو تزوج بها أو أي شي)
توكل على الله وأصررررررررررررف
واللي جمعها لك بيجمع لك غيرها وغيرها لأنه هو (المعطي)
وبخصوص مكاتب التقسيط ما أنصحك فيها أبد
فلوسك لا تعطيها غيرك يتاجر بها أنت اللي تاجر بها
ولا تنسى الناس اللي أعطوا فلوسهم لغيرهم كمساهمة وكانت النتيجة إما سحب عليهم اللي معه فلوسهم أو الحكومة وقفته بسبب الشبهة حول طبيعة تجاراته
وبالنسبة لبطاقات السوا ماراح يفيد لو أخذت بطاقة أحوال أو صراف أو أي شي
لأن هذي ماهي شيك ممكن تصرفه في حالة عدم تسديد المستدين
لكن بإمكانك تاخذ عليهم شيكات وتوقعهم على أوراق وبكذا قد تضمن حقك
ياعزيزي المشاريع كثيرة والتجارة في كل مكان واللي يبيعون ويشترون كثيرييييييييين وفيهم اللي يربح وفيهم اللي يخسر ولكن اللي خسروا ما ماتوا
تشجع وأشتر وبع ولا يهمك الريال أبد والأرزاق بيد الله
بالتوفيق لك وإذا كلامي ضايقك أتمنى تنسفه ورى ظهرك وما تزعل مني