اقتباس:
المشاركة الأصلية كتبت بواسطة مقتاح
مايقال وصلتني رسالتك ياغالي
لاتخاف انا انسان لا اعتقد يوجد في العالم انسان قادر على اللعب علي ( لاني مستحيل اعطي فلوس لاحد ) الا اضمنها بشيكات وعقود رسميه ..
كلمني احد الاشخاص قائلا لي : عطني الفين واضمن لك وظيفه في امارة الرياض بالمرتبه التاسعه اول ما تتخرج وطبعا الفين بعد ماحاولت معاه يراعيني بالسعر ونزلها لي من عشر الاف الى الفين .. قلت له ابشر من عيوني بس الحين ماعندي شي انت اضمن لي الوظيفه وخذ راتب اول شهر كامل .. او خذ اول راتبين او ثلاث رواتب ورى بعض كامله واكتب عقد على الاتفاق وخذ مني اللي تبي من الضمانات اني التزم بهالشي .. قال : ماقدر كذا .. قلت اجل توكل على الله ماعندي لك ولا ريال .. ( هالسالفه تقريبا صارت مع اخوي ولكني حولتها علي عشان تفهمونها بشكل واضح )
انا جتني كذا مره فرص وهميه وحضرت كذا اجتماع لبعض اشخاص مندوبين شركات وكذا يستهدفوني شخصيا عشان ينصبون علي ومادروا اني مبيت لهم النيه قبل كل شي ..
هالموضوع لاتخاف عليه انا ماراح ااحط ريال واحد الا بشي انا عارف اسراره ومتمكن منه وعارف .. متى اخسر فيه قبل متى اربح ..
تحيتي لك ولاهنت
|
كفو أخوي مقتاح ولمست ذكائك في ردك رقم (23)
وخذ هالسالفة
في بداية زواجي كنت ماشي أنا وزوجتي في أحد الأسواق
جاني مصري وقال معك مندوب مكتب .... للسياحة والسفر وصار يرطن علي بكلام له أول ماله آخر
المهم أعطاني دعوة (عمل) في مطعم راقي لشخصين وقال تجون يوم الاثنين وبكون في استقبالكم
أنا فكرت في الموضوع وفي كلامه وقلت مو معقولة كل هذا بيسويه عشان سواد عيوني
المهم بيت النية بأن أمنكحه
رحنا يوم الاثنين الموعود وكان فعلاً في استقبالنا ورحب فينا بشكل حاااااااار قداً << مصري 
جلسنا وقدموا لنا عصير وبدأ الفلم الهندي
أنا أوهمته بأني موافق على دفع المبلغ اللي بيخلينا نلف العالم وهو 7000ريال
وبعدين قلت له ياخي عازمنا على عصير ؟؟
أنا من أمس ما كلت شي متوقع أنك بتحط لنا عشاء على مستوى
المصري أكل الطعم وقال : تحت أمرك يافندم 
جاب قائمة الطعام وطلبت أنا وزوجتي وتعشينا وحمدنا الله
ناديت المصري وقلت له وين أقرب مكينة صراف ؟؟
الرجال ما صدق خبر وعلى طول قال : هناااااااااك
رحت وهو معي للصرافه وطلعت بطاقة كان فيها مشكلة ودخلت الأرقام قدامه على أساس بسحب خمسة آلاف وبكره أجيب الباقي
أول ما دخلت الصرافة طلع (بطاقتك ... الرجاء مراجعة البنك)
عملت نفسي مستغرب وقلت بكره أكون عندك بالمبلغ كامل
المصري صار يطالع فيني وما يدري وش يسوي
ومن بكرة يتصل علي وأرد عليه وقلت : لايق عليك المقلب يا أفندم 
وطال الكلام بيني وبينه وقلت لا عمرك تتصل أحسن لك 
للأسف هناك من يحاول اسغفال الناس والمصيبة أن فيه من يصدق
آسف على تشتيت الموضوع وعذري أن تعم الفائدة
من القلب / شكراً لك