الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته
مادري موضوعي في المكان الصحيح او لا لكن مالقيت مكان اضع فيه موضوعي الا هنا لاني ابي الوظيفة بالقصيم
اخواني انا من منطقة أخرى وجيت للقصيم لإكمال الدراسة بكالوريوس ,,,
معي دبلوم تقنية شبكات سنتين - عندي خبرة 6 اشهر باحد الشركات مسمى الوظيفي
( اخصائي نظم شبكات ) سبب استقالتي انهم وعدوني بتثبيتي بعد 3 اشهر من التدريب وقيمني مدير قسمي
ومديري المباشر ممتاز ولم يثبتوني ,,, واكلمت 3 اشهر آخرى ولم يتم تثبيتي هذا الي خلاني اترك الوظيفة واكمل دراستي الراتب كان 2800 بعد الترسيم 4800 وفي تقييمي من مديري المباشر الهندي ممتاز ومدير قسمي اردني ممتاز ,,, لكن مدير شؤون الموظفين سعودي
للآسف وليته مو
سعودي هو الي وقف تثبيتي ,,, الحمدالله مافيني شوفة نفس سواء كان مديري سعودي او لا اهم شئ مايكون مدير متزمت ,
(( لو كانت كلمة لو ماهي من عمل الشيطان كان قلت لو ثبتوني ماتركت الوظيفة لان تعامل مدير القسم ومديري المباشر قمة الاحترام وكانت لدي بصمة خاصة بالشركة ))
الحين انا بالقصيم وساكن ايجار ومحتاس بالكتب وبحوث ومحتاج وظيفة اصرف فيها على نفسي
لفيت بنده وكارفور قالوا طالب مانقبل نبي متفرغ
قدمت على جرير وهرفي ماردوا علي ,,
العثيم وساكو ماحصلت المدراء موجودين
وربي تعبت 
وانا الف وادور وين ما اروح عندهم شروط
دوام كامل - متفرغ - من اهل القصيم - مسؤول التوظيف غير موجود
(( استغرب احنا في بلد واحد وتحت علم واحد ودين واحد ولغة وحدة كيف يتشرط انه يكون من اهل القصيم !!!!
)))
باقي لدراستي 4 سنين واذا توظفت بمسك الوظيفة بيديني ورجولي لان علي التزامات وابي افك ازمتي الحمدالله 6 اشهر يوم كنت بالشركة ماعمري تأخرت الا مره وحده بس ,, وتغيبت مرتين واتصلت فيها على مدير القسم قبل لايبدأ الدوام الرسمي وبلغته مره كان عندي موعد في البنك وشغله يطول , والمره الثانية كانت للمستشفى
((( مع العلم الشركة كانت خارج النطاق العمراني 50 كيلومتر يوميا ذهاب وعودة 100 5 ايام دوام كامل والخميس نص دوام)))
طموح بالوظيفة , اثبت نفسي , احب العمل كفريق مع بقية زملائي ,, ارغب بدوام جزئي
الراتب يكون عادل ,, المكان عنيزة وافضل يكون ببريدة,,,
اتمنى احصل وظيفة او من يدلني عليها لاني بحاجتها حيل
